ALLIN YACHACHIQ KANAPAQ
Allinta yanapanapaq: Willakuq hinaspa ¡Rikchariy! qillqakunawan Diosmanta imayna willakunaykipaq kikiki tanteay
¿IMANASQAM ANCHA ALLIN?: Yanapawaqninchik qillqapi qillqanchikkunata imaynata qunapaq yanapakuyqa allinpunim, ichaqa manam chaynatapunichu ruwananchik, tanteasqanchikman hinapas ruwachwanmi. Qillqanchikkunawanqa yachasqanchik lawpi runakuna imamanta yachay munasqankuman hinam rimachwan. Chaynata ruwanapaqqa puntataraqmi qillqanchikta ñawinchana, qillqanchikkunata imayna qunamanta videota qawana hinaspañam tanteana imaynata ruwanapaqpas.
¿IMAYNATAM RUWACHWAN?:
¿Qillqanchikkunata imayna qunamanta yanapakuyman hinachu rimarinki?
ARÍ
Chaynaqa, imata nispa rimayta qallarinaykipaq tanteay hinaspañataq wasiyuqta rimakuykuspayki willaykuy imanasqa watukusqaykimanta, (niwaqmi: “Watukamuchkaykim...”, nispa).
Yuyaymanay ima nispa bibliata ñawinchapunaykipaq, yuyaymanaytaq bibliata ñawinchaykuspa ima nispa qillqanchikta qawachinaykipaqpas, (bibliata ñawinchanaykipaqqa niwaqmi : “Yachaykusun bibliapa ima nisqanmanta”, nispa).
MANAM
Chaynaqa, Willakuq utaq ¡Rikchariy! qillqanchikpi runakunapa yachay munasqanku yachachikuyta akllay.
Ama pinqachispalla uyarisuqnikita tapuy chaynapi rimarinanpaq. (Yanapachikuwaqmi Willakuq utaq ¡Rikchariy! qillqanchikkunapa 2 kaq paginanpi rikurimuq tapukuykunawan).
Bibliapi huk kaqnin textota akllaspa ñawinchay. (¡Rikchariy! qillqanchikwan Diosmanta willakuspaqa manam bibliataraqchu leepunayki, ¿imanasqa? ¡Rikchariy! qillqanchikqa bibliamanta mana ancha yachaq hinaspa mana religionniyuq runakunapaqmi ruwasqa kachkan).
Qillqanchikkunapa yachachikuynin imapi yanapananmanta iskay kimsa rimayllapi willanaykipaq tanteay.
MAYQANNINTA RUWASPAYKIPAS KAYTAM RUWANAYKI
Tanteay kaqmanta watukuspa ima tapukuymanta yachachinaykipaq.
Ima niy munasqaykita qillqaspayki wayqaykipi apakachay.