Diospaq takispanchikqa kallpanchasqam tarikunchik

Pablowan Silasqa Diospaqmi takirqaku presochasqa kachkaspankupas (Hch 16:25). Ñawpaq watakunapim Alemania nazi nacionpa Sachsenhausen nisqanku ñakarichikuq carcelman hinaspa Siberia lawman achka iñiqmasinchikkunata aparurqaku. Chaypi tarikuspankupas paykunaqa Diosninchikpaqmi takirqaku kallpanchasqa kanankupaq. Chayna ruwasqankum qawachiwanchik sasachakuypi tarikuqkuna Diospaq takispankuqa kallpanchasqa tarikusqankumanta.

Ñam lluqsiramunqaña achka rimaykunapi Jehova Diospaqyá kusikuywan takisun niq musuq Diospaq takinanchik qillqa. Chay qillqanchik makinchikpiña kaptinqa, Diosta ayllunchikwan yupaychaspanchik chay takikunata takisunchik chaynapi yuyanapaq (Ef 5:19). Ima sasachakuypiña tarikuptinchikpas Diospa chuya espiritunmi chay takikunata yuyanapaq yanapawasun. Diospaq takispanchikqa imakunata Dios ñuqanchikpaq ruwananmantam yuyarinchik, hinaspapas sasachakuypi tarikuspam kallpanchasqa tarikunchik. Allinña tarikuspanchikpas Diospaqmi ‘kusikuywan takisunchik’ sumaq takikuna kasqanrayku (1Cr 15:16; Sl 33:1-3). Chaymi kallpanchakunanchik Jehova Diospaq takikunata yuyanapaq.

QAWAY TAKITAM RUWARURQAKU KALLPANCHASQA TARIKUNANKUPAQ NIQ VIDEOTA HINASPA QATIQNINPI TAPUKUYKUNATA KUTICHIY:

• ¿Imanasqataq Frost sutiyuq iñiqmasinchikqa takita ruwarqa?

• ¿Imaynam tarikurqaku Sachsenhausen carcelpi tarikuq iñiqmasinchikkuna Diospaq takispankuqa?

• ¿Imayna tarikuptikitaq Diospaq takikunaqa kallpanchasunkiman?

• ¿Diospaq mayqinnin taki takisqanchiktataq umallaykimanta yachayta munawaq?