DIOSPAQ HINA KAWSANAPAQ
Diosmanta wasin-wasin willakuspanchikqa, ¿imakunatam mana ruwananchikchu?
Jesuspa qatiqninkunaqa runakunapa qawasqallanmi kanchik (1Co 4:9). Chaymi, wasin-wasin willakuptinchikpas wakin runaqa ventanankumanta qawawanchik utaq punkunku qipamanta uyariwanchik. Ichapas wakin runaqa camara nisqan aparatontakama qawawanchik, utaq ima aparatowanpas uyariwanchik utaq grabawanchik. Chaynaqa, wasin-wasin willakuspanchikqa qatiqninpi allin kaqkunatayá ruwasunchik (2Co 6:3).
DIOSPA RUNANKUNA HINAYÁ KAWSAKUSUN (Flp 1:27)
Amayá wasinku ukutaqa watiqasunchu, chaywanmi qawachisun wasiyuq respetasqanchikta. Wasinku punkupi kaspanchikqa manam mikunanchikchu, imatapas tomananchikchu nitaq celularwanpas qayachkananchikchu.
SUMAQ RIMAYNIYUQMI KANANCHIK (Ef 4:29)
Wasiyuq manaraq lluqsimuptinqa, manam wasiyuq hukmanyananpaq hinaqa imatapas punkunpiqa rimananchikchu. Chaymi wakin iñiqmasinchikkunaqa mana parlankuchu, aswanqa wasiyuqta imayna parlapayanankupaqmi yuyaymananku.