Diosmanta willakunapaq huñunakuyninchikpaq yanapakuykuna

Diosmanta willakunapaq huñunakuyninchikpim wakin huñunakuyninchikkunapi hina Jehova Diosqa yachachiwanchik kusisqa munayninta ruwananchikpaq, yanapawanchiktaqmi huk sunqulla kananchikpaqpas (Heb 10:24, 25). Chay huñunakuyqa kanan 5 utaq 7 minutollam. Chay huñunakuypi yachachiqqa willakunankupaq lluqsiq iñiqmasinchikkunatam yanapanan imaynata willakunankupaq. Wakin iñiqmasinchikkunaqa sabado utaq domingo punchawllapim tiempochakunku Diosmanta willakuq rinankupaq, chaymi allin kanman imaynata willakunankupaq yachaykachiyninku. ¿Imakunamantataq Diosmanta willakunapaq yachachinman? Chaymantayá qatiqninpi yachaykusun.

• Yachachinmanmi Huñunakuypi yanapawaqninchik qillqanchikpi “runakunawan imaynata rimanapaq” nisqanman hina.

• Runakunawan ima nispa rimayta qallaykunankupaqmi noticiakunapi uyarisqanmanta willanman.

• Runakuna Diosmanta uyariyta mana munaptinkuqa ima nispa willakunankupaqmi ninman.

• Diosmanta willakusqanchik lawpi huk religionpi kaqkunaman imaynata willakunankupaqmi ninman.

• Jw.org, JW Library^® hinaspa bibliata imaynata servichikunankupaqmi ninman.

• Diosmanta willakunapaq mayqin qillqanchikta servichikunankupaqmi ninman.

• Ninmantaqmi telefonowan willakuspa, cartata qillqaspa utaq runakunapa purisqanku lawpi chaynataq kaqmanta watukuspa utaq bibliamanta yachachispa imaynata ruwanankupaqpas.

• Ninmantaqmi imamantapas cuidakuspanku, hawkalla chaynataq pitapas respetaspanku kusisqa willakunankupaqpas.

• Yachachinmantaqmi Yachachiq qillqanchikpa huk kaqnin yachachikuyninmanta utaq videonmanta.

• Yachachinmantaqmi willakunanchikpaq riqmasinchikta imaynata kallpanchanapaq utaq yanapanapaq.

• Yachachinmantaqmi bibliapi mayqin textota ñawinchaspanpas utaq huk kaqnin iñiqmasinchik Diosmanta willakuspan kusisqa kasqanmanta willaspanpas.