Llapanchikmi munanchik hamuq punchawkunapi hawka kawsakuyta
Qipa punchawkunaman ¿vidayki imayna kanantataq munanki? Llapallanchikmi munanchik ayllunchikwan hawkalla, allinlla, kusisqalla kawsakuyta.
Chayna kaptinpas, achka runakunam ninku hamuq tiempopi hawka kawsakunankupaq tukuyta ruwaspankupas mana atisqankuta. Imapas qunqayllamanta kaptinmi piensasqanchikman hinaqa mana ruwakunchu. Chaynam karqa qunqayllamanta coronavirus unquy rikuriramuptin, runakunaqa mana llamkayniyuqñam qiparurqaku, achka runakunataqmi wañukurqaku.
Chaymi runakunaqa qipa punchawkunapi allinlla kawsakunankupaq ima ruwanankumanta yachanankupaq suerte qawaqman rinku. Wakinñataqmi piensanku qullqisapa kaspa, allin educacionniyuq kaspa qipa punchawkunapi hawka kawsakunankumanta. Hukkunañataqmi ninku allin runa kaspanku hawka kawsakunankumanta.
Ichaqa kaykunaqa, ¿yanapawachwanchu qipa punchawkunapi hawka, kusisqa kawsakunapaq? Kayta yachaykunaykipaq kay tapukuykunapi yuyaymanay:
¿Pitaq yachanman hamuq punchawkunapi imayna kananchikmanta?
¿Allin educacionniyuq, qullqisapa kaspachu qipa punchawkunapi kusisqa kawsakuchwan?
¿Allin runa kaspaykiqa allinchu kawsakunki?
¿Kanchu imapas qipa punchawkunamanta yachanapaq?
Kay qillqapim chaykunamanta yachanki.