Libro Enseña nisqan: allinta Bibliamanta estudio qonapaq
1 ¡Achkatam kusikurqanchik mosoq librota reqsispa ¿Qué enseña realmente la Biblia? “Diosta Kasukuy” nisqa Distrito Asambleapi! Asambleapi kaqkunaqa kusikurqanchikmi sábado punchaw yachachikuy tukuruptin mosoq librota chaskispa. ¿Imaynatam servichikuchwan kay mosoq yanapakuywan yachachinapaq? Kay libroqa rurakamun Bibliamanta yachachispa allinta yanapachikunapaqmi. Marzo killapim chayllaraq rikurimunqa predicacionpi munachinapaq qellqakunawan kuska. Kallpanchamunikum predicaqkunata bibliamanta estudiota qospa kay librowanña qallarinankupaq.
2 Bibliamanta estudiokuna qallarisqanchikkunawan. Conocimiento librowan otaq Imatam munan folletowan estudio qoqkunam allinta tanteananku imaynata hinaspa qaykapi mosoq librowan estudio qallarinankupaq. Sichum chayllaraq qallarirqanki estudiota, ichapas allin kanman mosoq librowan yachachiy puntamanta. Sichum libro Conocimientowan achkataña estudiarun atiwaqmi hinalla estudiachiyta Enseña nisqa librowan tupaqnin capitulomantaña. Ichaqa libro Conocimientowan yachachispa tukuyninpiña kawaq chaynaqa hinalla estudiota qoy tukunankama.
3 Llapanchikmi reqsinchik achka runata Enseña nisqa librota estudiaspa yanapachikunanpaq. ¿Imanasqataq mana munachinchikchu lliw runakunaman kay librowan Bibliata estudianankupaq? Ejemplopaq, Imatam munan nisqa folletowan otaq Conocimiento librota estudiaruspa manaraq Diosman qokuq nitaq bautizakuq, munanmankupaschá kaqmanta estudiayta mosoq librowan. Chaymantapas, tayta-mamakunaqa wawa-churinkunata Diospa cheqap munayninmanta yachachinankupaq servichikunmankum mosoq librowan (Col. 1:9, 10).
4 Iskay kaq librota estudiaspa. ¿Qué enseña realmente la Biblia?, nisqan librota tukuruspa, ¿kanchu iskay kaq libro estudiantewan estudianapaq? Arí, kanmi. Sichum Biblia estudiaq ñawparichkanman —pisi-pisillamantapas— hinaspa yachasqanta kuyachkan, atichwanmi yanapayta Adoremos al único Dios verdadero nisqa librowan. Segurom kachkanchik Enseña nisqa librom alli-allin yanapaq kanqa discipulokuna ruraypi kasukunanchikpaq (Mat. 28:19, 20).