BIBLIAMANTA TAPUKUYKUNA
¿Imaraykun askha runakuna ninku: “Diosqa kanmi”, nispa?
Kawsayqa huk milagron
Huk runan 3.000 wata ñawpaqta hinan Diosta nirqan: “Anchata agradeceyki khayna sumaqta ruwawasqaykimanta”, nispa (Salmo 139:14). Arí, admirakunapaq hinan huk celulallamanta wawaq rikhurisqanqa. Chaymi askha runakuna ninku: “Llapa kawsaqkunatan Dios kamawarqanchis”, nispa (leey Salmo 139:13-17; Hebreos 3:4).
Diosmi kay pachata chaypi kawsaqkunatapas kamarqan (Salmo 36:9). Chaymi munan llapa runakuna payta reqsinankuta (leey Isaías 45:18).
¿Animalmantachu runaman tukuchiwarqanchis?
Runakunapas animalkunapas yaqa kaqkamallan kanchis. ¿Imarayku? Kay hallp’api tiyanapaq huk kamaqpa ruwasqallan kasqanchisrayku. Diosqa manan animalmantachu runaman tukuchiwarqanchis, aswanmi runatapas animaltapas ñut’u hallp’amanta ruwawarqanchis (leey Génesis 1:24; 2:7).
¿Imakunapin runakuna animalkunamanta hukniray kanchis? Ñawpaqpi, runakunaqa atinchismi estudiayta, Dios munakuyta, respetayta ima. Iskaypi, wiñaypaq kawsananchispaqmi kamasqa karqanchis animalkunan ichaqa mana. Runakunaqa wañunchis Adanwan Evawan Diosta mana kasukusqankuraykun (leey Génesis 1:27; 2:15-17).