¿Ima ninmi Biblia?
¿Iman Diospa reinon?
WAKIN RUNAKUNAN NINKU Diospa reinonqa “sonqonchis ukhupin kashan”, nispa. Wakintaq ninku: “Lliu runakuna yanapakuqtinku qhepa tiempoman kay pachapi thaj kausay kananmantan rimashan”, nispa. Qanri, ¿ima ninkitaq?
BIBLIAN NIN
“Janaq pacha Diosqa mana jayk’aq thunikuq suyuta [otaq gobiernota] sayarichinqa, [...] llapa suyukunatan [runakunaq gobiernonta] ñut’uspa tukunqa” (Daniel 2:44). Diospa reinonqa paypa gobiernonmi.
¿IMATAWANMI BIBLIA NIN?
Diospa gobiernonqa janaq pachamantan kamachimun (Mateo 10:7; Lucas 10:9).
Diosqa gobiernontan utilizan munaynin janaq pachapi kay pachapipas ruwakunanpaq (Mateo 6: 10).
¿Jayk’aqmi Diospa gobiernon jamunqa?
¿IMA NIWAQTAQ?
Manan pipas yachanchu
Chayamunqañan
Manan jayk’aqpas chayamunqachu
BIBLIAN NIN
“Diospa gobiernonmanta allin willakuykunan pachantinpi willasqa kanqa llapa nacionkuna yachananpaq, jinan tukukuyqa chayamunqa” (Mateo 24:14). Diospa qhawarinanpaq jina suficientetaña runakunaman munayninmanta willakuqtinmi Diospa gobiernon kay pachapi tukuy mana allinkunata tukuchinqa.
¿IMATAWANMI BIBLIA NIN?
Manan pi runapas yachanchu Diospa gobiernon jayk’aq chayamunanta (Mateo 24:36).
Profeciakunan rikuchin Diospa gobiernon pisi tiempollamanta chayamunanta (Mateo 24:3, 7, 12).