¿Hayk’aqmantan invitacionta rakisun?
1. ¿Hayk’aqmi Jesuspa Wañusqanta Yuyarinapaq invitayta qallarisun? ¿Allinpichu tukun chhayna invitasqanchis?
1 2-17 abril p’unchaykaman invitasunchis ancha importante huñunakuyman: Jesuspa Wañusqanta Yuyarinapaq. Ñawpaqpiqa, askha runakuna invitasqanchismi hamurqanku. Huk kutinmi huñunakuy p’unchay chayamuqtinña huk señora waqyakamurqan Betel wasita, chaymi nirqan: “Wasiyman chayaspaymi punkuypi tarini Jesuspa Wañusqanta Yuyarinapaq invitacionta. Riytan munani ichaqa manan yachanichu ima horapi kananta”, nispa. Chaymi iñiqmasinchisqa willarqan maypis invitacionpi hora kasqanta, chaymi señoraqa nirqan: “Kunan p’unchayqa risaqpunin chay huñunakuyman”, nispa.
2. ¿Imanispan invitacionta rakisunman?
2 ¿Imaynatan aparikunqa? Pisi tiempollataq kashan invitacionta rakimunanchispaq chayqa, chikallantan rimananchis. Khaynatapaschá niwaq: “Imaynalla, kay invitaciontan familiaykiman saqeyta munani, domingo 17 abril p’unchaymi pachantinpi ancha importante huñunakuy aparikunqa [entregay invitacionta]. Chay p’unchaymi Jesuspa wañusqanta yuyarisaqku, huk discursopin willakunqa Cristoq sacrificionwan kacharichisqa kasqanchis imakunapi allinninchispaq kasqanta, chaymanqa gratisllan haykuwaq. Kay invitacionpin willakushan maypi ima hora apakunanta”, nispa.
3. ¿Imatan ruwasunman askha runakunata invitananchispaq?
3 Sichus huk iñiq t’aqaq predicanan territorio nishu hatun chayqa, yaqapaschá umallikuna ninkuman mana pipas wasipi kaqtinqa punkullapi invitacionta saqenankupaq, ichaqa allintan haykuchina. Chaymantapas kallpachaykikun revisitaykikunata, familiaykikunata, llank’aqmasiykikunata, estudiaqmasiykunata huk reqsisqaykikunatapas invitanaykipaq. Semana tukuytaqa invitacionta rakisqaykimantapas rakiwaqmi revistakunata astawan yachay munaqkunaman, otaq astawan llank’awaq precursor auxiliar hina.
4. ¿Imaraykun munanchis runakuna chay huñunakuyman hamunankuta?
4 Chay huñunakuyman hamuq runakunaqa sumaq yachachikuykunatan uyarinqaku. Jehová Dios ancha munakuyninpi Wawanta kacharichiwananchispaq kachamusqanmantan yachanqaku (Juan 3:16). Hinaspapas Diospa Gobiernon sumaq bendicionkuna apamunantawan (Isa. 65:21-23). Chaymantapas runakunatan kallpachakunqa Bibliata estudiayta munaspaqa acomodadorkunaman willanankupaq. Jehová Diosmantan mañakuyku askha invitasqanchis runakuna Jesuspa Wañusqanta Yuyarina huñunakuyman hamunankupaq.