¿Pikunan Jehová Diospa munayninta ruwashanku?
1. ¿Hayk’aqmantan chay folletota estudiasunchis?
1 Biblia Estudianapaq Huñunakuypin ¿Pikunan Jehová Diospa munayninta ruwashanku? folletota estudiasunchis, chayqa kanqa 11 noviembre semanamantan. Chay folletotan chaskirqanchis “Sonqonchista allintapuni waqaychasun” hatun huñunakuyninchispi. Chaytaqa ruwakamurqan estudiantenchiskunata Diospa llaqtaman pusamunanchispaqmi. Chay folletota estudiasqanchismi yanapawasun Diospa llaqtanta astawan munakunanchispaq, hinaspapas yanapawasunmi aswan allinta predicayninchispi utilizananchispaq (Sal. 48:13).
2. ¿Imaynatan folletonchista estudiasun?
2 ¿Imaynatan estudiakunqa? Chay huñunakuyta umalliqmi tiempota allinta rakinan. Sapanka titulokunan tapuypi kashan, chaytan leenan kanqa. Ñawpaq parrafota leekuqtinmi umalliqqa huk tapuyta ruwanqa, chay tapuytaqa pay kikinmi preparanan kanqa. Qatiqninpin yana letrapi parrafokuna qallarishan, chaytaqa sapaq-sapaqtan leekunan. Leeyta tukusqan qhepamanmi umalliqqa uyariqkunata tapunqa imaynatan chaypi willakusqan tupashan tituloq tapuyninwan chayta. Tiempo aypasqanman hina sut’inchaq textokunata leekunman. Hinaspapas folletonchisqa fotokunayoqmi kashan, chaykunamantapas rimakunmanmi. Manaraq huk willakuyman pasashaspan uranpi tapuykunata ruwakunan. Sichus “Astawan yachanaykipaq” recuadro kan chayqa huñunakuypi leeqmi leellankataq, umallitaq uyariqkunata tapunqa imaynatan estudiantekunata yanapanman chaypi nisqanta ruwaqtinku. Tiempo kaqtinqa tituloq tapuyninta hukmanta tapullanmantaq imakuna yachasqankuta kutipanankupaq. Ichaqa manan chay hinatachu estudiantenkunawanqa ruwananchis.
3. ¿Imaynatan folletonchiswan allinta yanapachikusunman?
3 Yanapawananchispaqqa allintan preparakunanchis, kallpachakunataq tapuykunaman kutichinapaq. Huñunakuypi chayta estudiaspaqa yuyaymanasunmanmi imaynatas estudiantekunata yanapasunman chayta. Chay folletomanta yachasqanchismi yanapawasun imaynatas hukkunata yanapasunman Diospa munayninta ruwanankupaq wiñay kawsayman aypanankupaqpas (1 Juan 2:17).