¿Ima qelqakunan Diospi Bibliapi mana iñiqkunata yanapanman?
1. ¿Imanaqtinmi wakin runakuna mana munankuchu Imatapunin librowan estudiayta?
1 Pipas Diosta servinanpaqqa Bibliaq nisqanta yachanan. Wakin runakunan ninku: “Bibliaqa manan Diospa Siminchu”, nispa. Hukkunataq mana Diospi Bibliapipas iñinkuchu. Chaymi mana munankuchu Imatapunin librota estudiayta. Chay hinaqa, ¿ima qelqakunan paykunata yanapanman? Qatimuqpi yanapaykunaqa 20 nacionkunapi iñiqmasinchiskunaq willasqankuman hinan kashan.
2. a) ¿Imatan ñawpaqta yachananchis pipas Diospi mana iñiqtin? b) ¿Imapin chay yachasqanchis yanapawasun?
2 Diospi mana iñiqkunapaq. Sichus pipas ninman: “Diospiqa manan iñinichu” nispa chayqa, yachananchismi imarayku chhayna yuyaykusqanta. ¿Evolución yachachikuypichu creen? ¿Ñak’ariykunata otaq religionkuna iskay uya kasqanta rikuspachu manaña Diospi iñipun? ¿Diospi mana iñiq nacionmantachu? Icha, ninchu: “Manan necesitanichu Diospi creeyta”, nispa. Askha iñiqmasikunatan yanaparqan kay hinata tapuy: “¿Chay hinatapunichu yuyaykurqanki?”, nispa. Chaypaqmi mana tatichispa uyarinanchis, chayta ruwaspallan yachasun imarayku Diospi mana iñisqanta, chayman hina yanapanapaq mayqen qelqatapas qonapaq (Prov. 18:13).
3. ¿Imaynatan rikuchinchis runakunaq iñisqanta respetasqanchista?
3 Runakunawan rimanapaqqa respetowanmi uyarina. Estados Unidosmanta iñiqmasikunan kayta niwarqanku: “Respetananchismi runakunaq iñisqankutaqa. Pantasqanta rikuchinamantaqa, aswan allinqa tapuykunata ruwaspa yuyaymanachiymi, chay hinapin payllamanta sut’inchakunqa”, nispa. Chaytan huk watukuq umalli ruwan, uyariqninpa yuyaykusqanta uyarisqan qhepamanmi tapun: “¿Hayk’aqllapas kay hinata yuyaykurqankichu?”, nispa. Chay qhepamanmi rimayta qallarin.
4. ¿Imaynatan predicasunman budismo religionmanta runakunata?
4 Budismo religionmanta runakunaqa manan Diosninchista reqsinkuchu. Chay runakunawan rimanankupaqmi Gran Bretaña nacionmanta wakin iñiqmasikuna yanapachikunku Cómo hallar paz y felicidad duraderas folletowan. Qallariy paginakunata leespan “¿Existe un Creador todopoderoso?” yachachiykuyta estudianku. Huk kutipitaq “Una guía para toda la humanidad” yachachikuyta. Chay qhepamanmi Imatapunin librota qhawachispa ninku: “Manaña Diospi iñinkichu chaypas, Biblia estudiayqa allinniykipaqmi kanqa, chaypin tarinki sumaq yuyaychaykunata”, nispa. Estados Unidospin huk iñiqmasinchis China nacionmanta runakunata predican, paymi nin: “Chay runakunaqa leeshallankun, chaymi saqesqayku qelqatapas kutinaykupaqqa tukunkuña. Chaywanpas wakinqa sasatan entiendenku imarayku Biblia estudiananku kasqanta. Chaymi visitashaspa ¡Diosmanta hamuq allin willakuykuna! folletota munachini, chayqa kashan runakunawan parlanapaq hinan”, nispa. Estados Unidospin huk watukuq umalli China nacionmanta iñiqmasikunata watukun, paymi nin: “Chayllaraq visitashaspapas atikunmanmi Imatapunin librowan estudio qoyta, ichaqa 2 capitulowanmi qallarikunman, chaypin willashan Biblia imayna libro kasqanta”, nispa.
5. ¿Imanaqtinmi pacienciawan yachachinanchis?
5 Manan huk kuti rimasqallanchiswanchu Diospi iñinqaku, chaymi pacienciawan yachachina kanqa. Yaqapaschá askha kutita rimasqanchis qhepamanpas huk chhikanta iñinqaku Dios kasqanpi otaq chayraq entiendenqaku imarayku ñoqanchis Diospi iñisqanchista.
6. ¿Imanaqtinmi wakin runakuna Bibliamanta mana yachayta munankuchu?
6 Bibliapi mana iñiqkunapaq. Askha runakunaña Diospi iñinku chaypas, manan llapankuchu Bibliapi iñinku, ¿imarayku? Manan Diosmanta hamusqanta hinachu qhawarinku. Chaymi wakinqa mana yachayta munankuchu. Astawanqa mana cristiana llaqtakunapin; paykunaqa Bibliata qhawarinku “cristianon kayku” niq religionkunallapaq kasqanta. Cristiana religionmanta llaqtakunapipas askha runakunan manaña Bibliaq yachachisqanta allinpaqchu qhawarinku. ¿Imaynatan paykunata yanapasunman Bibliaq yachachisqanta uyarikunankupaq Imatapunin librotapas estudianankupaq?
7. ¿Imaynatan runakunata yanapasunman Bibliata uyarinankupaq?
7 Grecia nacionmanta sucursalmi qelqamurqan: “Bibliamanta mana yachay munaqkunata yanapanapaqqa Bibliata kicharispan qhawachina. Askha iñiqmasikunan repararqanku nisqankumantaqa Bibliamanta leesqanku runakunaq sonqonman chayasqanta (Heb. 4:12). Bibliapi Diospa sutinta rikuspallaraqmi astawan yachayta munanku”, nispa. India nacionmanta sucursalmi qelqamurqan: “India nacionmanta runakunaqa Biblia kawsaymanta wañuymantapas willasqantan astawanqa yachayta munanku. Hinaspapas kusikunkun hamuq tiempopi sarunchasqa pisichasqa kaypas tukukapunanta yachaspa. Runakunata imachus llakichisqanmanta rimayqa yanapawasunmi Bibliata kicharispa Diospa Gobiernonmanta willanapaq.
8. ¿Imaynatan rimapayasunman Bibliata mana allinpaq qhawariq runakunata?
8 Askha runakunan Bibliapi mana iñinkuchu “cristianon kayku” niq religionkunarayku. Chaymi sut’ita rikuchinanchis chay religionkunaqa Bibliata mana kasukusqankuta. India nacionmanta sucursalmi nirqan: “Mayninpin runakunaman sut’ita rikuchinanchis chay religionkunaqa mana Bibliaq nisqantachu yachachisqankuta”, nispa. India nacionmanta runakunaqa anchata admirakunku ¿Qué propósito tiene la vida? ¿Cómo descubrirlo? folletopi 4 kaq yachachikuyta estudiaspa, chaypin willashan imaynata “cristianon kayku” niq religionkuna Bibliaq yachachisqanta cambiasqankumanta otaq chinkachiy munasqankumantapas. Brasil nacionmanta huk precursor runakunaman nin: “Askha runakunan manaña religionniyoq kashaspapas Bibliata estudianku, ¿manachu qanpas chayta ruwawaq? Yaqapaschá admirakunki chaypi yachasqaykimanta”, nispa.
9. ¿Imanaqtinmi mana pisipanachu Bibliamanta mana yachay munaqkunawan tupaspa?
9 Jehová Diosqa rikushanmi runakunaq sonqonta (1 Sam. 16:7; Prov. 21:2). Allin sonqoyoq runakunatataq llaqtanman pusamun (Juan 6:44). Chay runakunaqa manan Diosta reqsirqankuchu nitaq Bibliatapas estudiarqankuchu. Predicayninchismi yanapanqa ‘qespikuyman’ aypanankupaq, ‘cheqaq-kayta reqsinankupaqpas’ (1 Tim. 2:4). Chayrayku pipas niwasunman: “Manan Bibliamanta yachayta munanichu”, nispa chayqa manan pisipanachu. Llapa qelqanchiskunamanta mayqenchus paypaq hina kaqtan maskhasunman. Qhepamanqa yaqapaschá Imatapunin libronchiswanpas estudiota qosunman.
[4 paginapi recuadro]
¿Imaynatan yanapasunman Diospi mana iñiqkunata?
• Imarayku Diospi mana iñisqanta yachanaykipaq tapuy: “¿Ñawpaqmantapachachu chay hinata yuyaykurqanki?”, nispa.
• Budismo religionmanta kaqtin, Cómo hallar paz y felicidad duraderas nisqa folletopi 9-12 paginakunata qhawachiwaq.
• Evolución nisqa yachachikuypi creen chayqa, kaykunawanmi yanapachikusunman:
¡Rikch’ariy! revistapi “¿Kikillanmantachu paqarimurqan?” yachachikuywan
Las maravillas de la creación revelan la gloria de Dios videowan
¿Es la vida obra de un Creador?; El origen de la vida. Cinco cuestiones dignas de análisis folletokunawan; Cómo lograr una vida llena de satisfacción nisqa folletopi 4 kaq paginawan
• Sinchi ñak’ariykunata rikuspa manaña Diospi iñipunchu chayqa, kaykunawanmi yanapachikusunman:
¿Existe un Creador que se interese por nosotros? libropi 10 capitulowan
¿De veras se interesa Dios por nosotros? folletopi 6 kaq yachachikuywan; ¿Qué propósito tiene la vida? ¿Cómo descubrirlo? folletopi 6 kaq yachachikuywan
• Diospi iñiyta qallarishan chayqa, Imatapunin librotan qhawachisunman. Hinaspa 2 capitulowan estudiayta qallarisunman otaq munasqan capitulowan.
[5 paginapi recuadro]
¿Imaynatan yanapasunman Bibliapi mana iñiqkunata?
• La vida... ¿cómo se presentó aquí? ¿Por evolución, o por creación? libropi 17, 18 capitulokunawan (manañan lloqsimunñachu español simipi).
• India nacionmata kaqtinqa ¿Por qué debemos adorar a Dios con amor y verdad? folletowan.
• Judío runa kaqtinqa ¿Habrá algún día un mundo sin guerra? folletopi 3-11 paginakunawan (manañan lloqsimunñachu español simipi).
• Bibliapi ima textokunachus allinninkupaq kanman chayta qhawachisunman. Chaypaqmi kay qelqakunawan yanapachikusunman:
¡Rikch’ariy! revistapi “Familiakunapaq yanapaykuna” yachachikuywan
La Biblia: el poder que ejerce en su vida videowan
¡Diosmanta hamuq allin willakuykuna! folletopi 9-11 willakuykunawan, Un libro para todo el mundo folletopi 22-26 paginakunawan (manañan lloqsimunñachu español simipi), Cómo lograr una vida llena de satisfacción folletopi 2 kaq yachachikuywan
Budismo religionmanta kaqtinqa El camino de la paz y la felicidad folletopi 3-7 paginakunawan
Musulman runa kaqtinqa La fe verdadera, la puerta a una vida feliz folletopi 3 kaq yachachikuywan
Predicasqanchis llaqtapi runakuna Bibliata mana rikuytapas munankuchu chayqa, chayllaraq visitashaspaqa manaraqmi willanachu maymantas chay sumaq yuyaychaykuna kasqanta.
• Sut’ita rikuchinanchis Bibliaq willasqan profeciakuna hunt’akusqanta. Chaypaqmi kaykunawan yanapachikusunman:
La Biblia: historia exacta, profecía confiable videowan
Un libro para todo el mundo folletopi 27-29 paginakunawan (manañan lloqsimunñachu español simipi)
• Bibliamanta yachaytaña munashan chayqa, Imatapunin librowanmi estudiota qallarisunman.
[6 paginapi recuadro]
“Manan Diospi iñinichu” niwaqtinchis:
• Tapusunman: “¿Munawaqchu yachayta imarayku ñoqa Diospi iñisqayta?”, nispa. Chay qhepamantaq Razonamiento libropi 87-89 paginakunata qhawachisunman. Hinaspapas nisunman: “Hukpi kutimuspay apumusqayki ima qelqan yanapawarqan Diospi iñinaypaq chayta”, nispa.
• Otaq tapusunman: Dios kanman chayri, ¿imayna kanantan munawaq? Askha runakunan chay tapuyman kay hinata kutichinku: “Chanin, mana piman sayapakuq, khuyapayakuq, sumaq sonqo kanantan munayman”, nispa. Chayta uyarisqanchis qhepamanmi Bibliawan rikuchisunman Jehová Dios chhayna kasqanta. Yaqapaschá Imatapunin libromanta 1 capitulopi 6 parrafota qhawachiwaq.
“Manan Bibliapiqa iñinichu” niwaqtinchis:
• Kay hinata kutichisunman: “Askha runakunan chay hinata yuyaykunku. Wakinqa ninku: ‘Bibliaq yachachisqanqa manan tupanchu cienciawan, otaq ninku manan kawsayninchispi yanapawanchischu’, nispa. Ichaqa, ¿hayk’aqllapas Bibliata leerqankichu? [Uyariy kutichisqanta. Hinaspa Cómo lograr una vida llena de satisfacción folletomanta 3 kaq yachachikuypi 1, 2 parrafokunata qhawachiwaq.] Hinaspa nillawaqtaq: “Hukpi kutimuspay kay folletoq yanapayninwan Bibliapi tarikuq allin yuyaychaykunata qhawasunman”, nispa.
• Otaq nisunman: “Askha runakunan chay hinata yuyaykunku. Ichaqa qhawachiytan munayki Bibliamanta ima textochus sonqoyman chayasqanta [leey Job 26:7 otaq Isaías 40:22 textota. Hinaspa cienciawan tupasqanta qhawachiy]. Chay qhepamantaq niwaq Bibliaq yuyaychayninqa familiakunatapas yanapanmi. Hukpi kutimuspay chaymanta rimasunmanchu”, nispa.
• Otaq nisunman: “Allinmi sut’illanta willawasqaykiqa. Ichaqa sichus Diosninchis huk librota saqewasunman karqan chayri, ¿imamanta willanantan munawaq?”, nispa. Uyarisqayki qhepamantaq Bibliapi qhawachiy paypa nisqanwan tupaq textota.