¿Iman faltashanman familiaykipi sumaq kausay kananpaq?
¿Imaniwaqmi?
¿Munakuychu?
¿Qolqechu?
Icha, ¿imachu?
BIBLIAN NIN:
“Diospa siminta uyarispa waqaychaqkunan kusisqaqa kanku”, nispa (Lucas 11:28, Mosoq Pacha Biblia).
¿IMAPIN YANAPAWASUNMAN CHAY TEXTOQ NISQAN?
Cheqaq munakuytan tarisunchis (Efesios 5:28, 29).
Respetanakuspan kausasunchis (Efesios 5:33).
Juj nisqallan kausasunchis (Marcos 10:6-9).
¿CONFIASUNMANCHU BIBLIAQ NISQANPI?
Arí confiasunmanmi, ichaqa ¿imaraykun confiananchis?
Diosmi familiataqa paqarichirqan. Biblian nin: “Paymi [...] llapa familiakunata paqarichirqan”, nispa (Efesios 3:14, 15). Arí, Jehová Diosmi llapa familiakunataqa kamarqan. Chayta yachayqa allintan yanapawasun, ¿imarayku?
Kaypi yuyaykuy: Sumaq mijunata invitasunkikuman chayqa, yaqapaschá yachayta munawaq imayna wayk’usqachus kashan chayta, chaypaqqa, ¿pitan tapukuwaq? Chay mijuna wayk’uqtan ¿riki?
Chhaynan familiawanpas, sichus familiapi kusisqa kausayta munanchis chayqa, familiata paqarichiq Jehová Diostan tapukunanchis (Génesis 2:18-24).
Jehová Diosqa kusisqa kausananchistan munan. Biblian nin: “Payqa qankunamantan llakikun”, nispa (1 Pedro 5:6, 7). Chayraykun qanpas familiaykipas Diospa yuyaychayninta maskhanaykichis. Jehová Diosqa allinta kausananchistan munan, chaymi kamachikuyninkunapas allinninchispaqpuni (Proverbios 3:5, 6; Isaías 48:17, 18).
KAYPI PIENSARIY
¿Imatan ruwawaq allin qosa, allin esposa otaq allin tayta-mama kanaykipaq?
Chayta yachanaykipaq leey: EFESIOS 5:1, 2; COLOSENSES 3:18-21 textokunata.