12 t’aqata qallarinapaq

Jesusqa janaq pacha gobiernomantan runakunaman yachachirqan. Jinaspapas mañakuypin yachachirqan Diospa sutin ch’uyanchasqa kananpaq, gobiernon jamunanpaq, munaynin kay pachapi ruwakunanpaqpas. Sichus wawayoq kanki chayqa, yachachiy chay mañakuy imachus significasqanta. Jesusqa junt’aq sonqon karqan Satanasña tentarqan chaypas. Apostolninkunatan ajllarqan, paykunan gobiernonpi ñaupaq ajllasqakuna kananku karqan. Defienderqantaqmi cheqaq adoracionta. Runakunata khuyapayaspan onqosqakunata qhaliyachirqan, yarqasqakunaman mijuchirqan, wañusqakunatapas kausarichirqan. Chay milagrokunan rikuchirqan gobiernonpi imakunatachus ruwananta.