BIBLIAMANTA TAPUKUYKUNA
¿Hamuq tiempopi sumaq kawsay kanmanchu?
Jesuspa wañusqanwanmi runakunaqa manaña paykunallapichu piensanqaku. ¿Imaynapi?
Cienciaq ñawparisqanwanqa imakunataraqchá hamuq tiempopi runakunaqa ruwanqa. Ichaqa ciencia nisqa, ¿yanapawasunmanchu runamasinchiswan sumaqta kawsananchispaq? Manan. Runakunaqa paykunallapin piensanku. Diosmi ichaqa runakunaq allinninta munan (leey 2 Pedro 3:13).
Bibliaqa willanmi hamuq tiempopi runakuna munanakuspa kawsanankuta. Manañan imamantapas manchakunqakuchu, nitaq runamasinkuta waqachinqakuchu (leey Miqueas 4:3, 4).
¿Imaynapin runakuna manaña paykunallapichu piensanqaku?
Diosqa ch’uya runatan Adanta kamarqan, chaymi Adanqa mana payllapichu piensarqan. Ichaqa Diosta mana kasukusqanmantapachan huchayoq runaman tukupurqan, hinaspa payllapiña piensapurqan. Llapallanchismi huchayoq runa nacerqanchis ñoqallanchispaqtaq imatapas munanchis. Jehová Diosmi ichaqa Jesuspa yanapayninwan hukmanta ch’uya runaman tukuchipuwasun (leey Romanos 7:21, 24, 25).
Diospa munayninpin Jesusqa ñoqanchisrayku kawsayninta qorqan, chaywanmi Adanpa huchallikusqanta pagarqan (Romanos 5:19). Chay ruwasqanwanmi runakunaqa hamuq tiempopi huchamanta kacharichisqa kasunchis, hinaspa manaña ñoqallanchispiñachu piensasun (leey Salmo 37:9-11).