Willashallasun Jehovaq sumaqkuna ruwasqanmanta

1. ¿Imakunan gustasunki Jehovaq sumaqkuna ruwasqanmanta?

¹ ¡Manan pipas igualakunmanchu Jehová Diosninchiswanqa! Davidmi qelqaran: “Imaymanatan ruwarqanki, Jehová Diosnillay, ñoqaykupaq sumaqkuna ruwasqaykipas, sumaqkuna piensasqaykipas; manan pipas qanwanqa igualakunmanchu” (Sal. 40:5). Jehovaq sumaqkuna ruwasqanmi universopi imaymana kamasqan, Mesiaspa reinon, llaqtanpaq imaymana ruwasqan, allpantinpi predicasqapiwan (Sal. 17:7, 8; 139:14; Dan. 2:44; Mat. 24:14). Jehovata munakusqanchis, payta agradecekusqanchismi kallpachawanchis paymanta rimananchispaq (Sal. 145:5-7). Marzopi, abrilpi, mayopiwanmi astawan llank’ananchispaq oportunidad kanqa.

2. ¿Imaynatan precursor auxiliar kasqanchis yanapawanchis?

² Presursor auxiliar kaspa serviy. ¿Allichawaqchu tiempoykita askha llank’ana killakunapi huk otaq iskay killatapas pisqa chunka horata predicanaykipaq? Precursor kanayki rayku ima cambiokunapas ruwasqaykiqa, allinniykipaqmi kanqa (Efe. 5:16). Askhan reparanku precursor auxiliar kaspanku, servicionkupi allinyasqankuta. Faciltan runakunawan rimanku Bibliatapas allintan manejanku. Aswan askhata servicioman lloqsispan runakunata astawan Diospi interesachinku, wakinpaqa manan estudionkupas karanchu, precursor kaspan ichaqa estudiokunata tarinku. Chay servicioqa anchatan kusichin, precursor kaspan hukkunatapas yanapanchis (Hech. 20:35).

3. ¿Imaynatan wakin hermanokuna atiranku precursor auxiliar kayta ch’isiyaq llank’aqkunapas, yuyaqkunapas?

³ Manaraq allinta tanteakuspaqa ama piensaychu manan atiymanchu precursor auxiliar kayta nispaqa. Qayna watan huk anciano atisqa precursor auxiliar kayta, payqa manan ancha tiempoyoqchu karan, kanmi huch’uyllaraq iskay wawankuna, ch’isiyaqmi llank’anpas. ¿Imaynatan ruwaran? Semanantin llank’asqanraykun, tiemponta allichasqa semana tukuypi tiemponta allinta aprovechananpaq, sabadonpin 7 de la mañanata callekunapi predicayta qallarisqa. Chay congregacionpi pay hina llank’anayoq askha hermanonchiskunapas precursor auxiliarmi kasqaku, chaymi paykuna pura kallpachanakuranku. Huk congregacionpin 99 watayoq hermananchis mayo killapi precursora kasqa, ususin paywan kuska predicananpaq invitaqtin. Congregacionpi huk hermanokunapas yanapasqakun predicaq riqtin ruedayoq sillanta tanqaspa, estudiantekunaq wasinmanpas pusasqakun. Payqa predicaranmi telefonopi, cartapi, callekunapipas. Reconocenmi Jehovaq fuerzanpa kallpachasqanrayku precursora kasqanta (Isa. 40:29-31).

4. ¿Imakunapin piensana precursor auxiliar kanapaq horariota ruwaspa?

⁴ Tiempoykita allichay atinaykipaq hina. Yanapasunkimanpaschá kaypi horariokuna. ¿Ch’isiyaqchu llank’anki icha escuelapichu kashanki? Semana tukuypi predicanapaq horariopaschá qanpaq allin kanman. Onqosqa kasqaykirayku otaq pisi kallpayoq kasqaykiraykupas ch’isiyaq predicayta mana atispaqa, sapa p’unchaymi predicawaq pisillatapas. Willariy precursor auxiliar kay munasqaykita huk hermanokunaman. Paykunapas qan hinapaschá tiempota qokunkuman.

5. ¿Imakunatan wayna sipaskuna ruwankuman marzopi, abrilpi, mayopipas?

⁵ Imaynatan wayna sipaskuna participankuman. Jehovaqa kusikunmi sumaqkuna ruwasqanmanta jovenkuna rimaqtin (Sal. 71:17; Mat. 21:16). Bautizasqa joven kaspaykiqa, atiwaqpaschá vacacioniyki kaqtin precursor auxiliar kayta. Mana atispaqa, ¿kallpachakuwaqchu chay killakunapi aswan allinta, aswan askhata predicanaykipaq? Manaraq bautizasqa kaspa tayta mamaykiwan kuska predicanki chayqa, kay killakunan allin kanman manaraq bautizasqa publicador kanaykipaq requisitokuna hunt’aypi kallpachakunaykipaq. Manan Bibliamanta llapan tapuykunatachu kutichinayki nitaq bautizasqa kuraq hermanokuna hinachu yachanaykipas. ¿Entiendenkichu Bibliapi importante yachaykunata? ¿Kasukushankichu Bibliaq yachachisqanta? ¿Munankichu Jehovaq testigon hina reqsisqa kayta? Chhayna kaqtinqa rimay tayta mamaykiwan. Chaymi paykunawan kuska ancianokunawan rimankichis requisitokunata hunt’ankiñachu icha manaraqchu chayta yachanaykipaq (Leey Nuestro Ministerio librota 98, 99 paginakunata).

6. ¿Imaynatan yanapasunman Biblia estudiaqkunata publicador kanankupaq?

⁶ Hukkunata yanapay predicanankupaq. Allin avanzaq wakin estudiantekunaqa hunt’ankupaschá requisitokunata chay killakunapi publicador kanankupaq. Qanpa estudioyki ñawparishan chayqa yanapachikuy serviciopi superintendentewan otaq estudio de libropi superintendentewan. Hukninmi qanwan rinman estudioyki ñawparisqanta qhawarinanpaq. Sichus munan publicador kayta, requisitokunatapas hunt’an chayqa, congregacionpi superintendente presidenten encargakunqa iskayniykichiswan, iskay ancianokuna rimananpaq (leey 1988 watapi 15 de noviembrepi Atalayata, 17 paginata). Aceptaqtinkuqa, preparaypacha predicay qallarinanpaq.

7. ¿Imaynatan yanapankuman unayña mana predicaqkunata otaq maynillanpi predicaqkunatapas?

⁷ Estudio de libropi superintendentekunan yanapananku chay grupopi mana predicaq publicadorkunata otaq maynillanpi predicaqkunatapas. Qanpuni invitay qanwan kuska predicananpaq. Mayqenpas unayña mana predicanchu chayqa iskay ancianokunan ñawpaqta rimananku requisitokunata hunt’ankuraqchu icha manañachu chayta yachanankupaq (leey 2000 watapi noviembrepi Reinomanta Servicionchispi “Caja de preguntas” nisqata). Congregacionpi celowan kay killakuna predicasqankun kay hermanokunata kallpachanman hukmanta predicanankupaq.

8, 9. ¿Imatan ancianokuna ruwankuman askha llank’ananchis killakunapi askha precursorkuna kananpaq?

⁸ Kunanmantapacha preparakuy astawan llank’anapaq. Ancianokuna, kunanmantapacha congregacionpi kallpachaychis precursor auxiliar kanankupaq. Allintan qankunaqa kallpachawaqchis sumaq rimayniykichiswan allin ejemploykichiswan (1 Ped. 5:3). ¿Hayk’a precursorkunan karan congregacionpi qayna wata? ¿Yapanmanchu kay wata? Estudio de libropi superintendentepas, yanapaqninpas kallpachanankun gruponkupi hermanokunata servicionku yapanankupaq. Superintendente de serviciopas programanmanmi predicanapaq askha horariokunata. Ñawpaqmanta willaychis congregacionman kay arreglokunamanta. Asegurakuychis predicacionpi dirigeq hermanokuna allin preparasqa hermanokuna kananpaq, predicanapaq huñunakuykunapas tiemponpi qallarinanpaq tukunanpaqpas (leey 2001 watapi setiembrepi Reinopaq Servicionchispi “Caja de preguntas” nisqata). Superintendente de servicion encargakunan predicanapaq sitiokuna aypananpaq hina kananta, revistakunapas, huk publicacionkunapas llapanpaqmi aypanan.

⁹ Qayna watan huk congregacionpi ancianokuna —unay tiempo ñawpaqta kusikuywan— kallpachasqaku publicadorkunata precursor auxiliar kanankupaq, wakinqa paykuna kikinkun precursor auxiliar kasqaku. Predicanapaq imaymana horariotan churasqaku: callekunapi predicanapaq 5.30 tutamantanta, escuelamanta lloqsimuqkunawan predicanapaqtaq 3.00 de la tardeta, huktataq 6.00 de la tardeta llank’asqankumanta lloqsimuqkunapaq. Sabadopipas kinsa kutitan predicaq lloqsisqaku. Chayraykun chay congregacionpiqa 66 precursorkuna abril killapi kasqa.

10. ¿Imaynatan familiakuna preparakunkuman astawan predicanankupaq?

¹⁰ ¿T’aqawaqchischu tiempoykichista familiantin estudiasqaykichispi, hamuq killakunapi servicioykichista yapanaykichismanta rimanaykichispaq? Allinta arreglaspa llapaykichis yanapanakuspaqa wakillanpas familiapi precursor auxiliar kawaqchismi. Manapuni atikuqtinqa kallpachakuychis aswan askhata predicanaykichispaq otaq askha kutita predicaq lloqsinaykichispaqpas. Familiantin kaymanta oraychis. Ama qonqaychischu Jehovaqa bendecinqan kallpachakusqaykichista (1 Juan 3:22).

11. a) ¿Ima sumaqkunatan qowanchis Cristoq sacrificakusqan? b) ¿Maypin ima horata llaqtaykipi yuyarinqaku Jesuspa wañusqan p’unchayta?

¹¹ Diospa aswan sumaq ruwasqan. Jehovaq munakuynin askhanpi rikuchisqanqa rescatawananchispaq Churin qosqanmi (1 Juan 4:9, 10). Sacrificakusqanraykun salvawanchis huchamantapas wañuymantapas. (Rom. 3:23, 24). Jesuspa yawarnin hich’asqanmi mosoq pactota valorniyoqman tukuchin, chayraykun imperfecto runakunaqa Diospa wawankuna hina chaskisqa kanku Diospa reinonpi kamachimunankupaq (Jer. 31:31-34; Mar. 14:24). Aswan importanteqa, Jesuspa mana pantaspa kasukusqanmi, chaymi Jehovaq sutinta ch’uyanchan (Deu. 32:4; Pro. 27:11). Domingo 4 de abriltan, Inti haykuy qhepata mundontinpi yuyarisun Cristoq wañusqanta.

12. ¿Imaynatan Señorpa Cenan beneficianman chayman hamuqkunata?

¹² Señorpa Cenanta yuyarisqanchismi Jehovaq sumaq ruwasqankunata hatunchan. Discurso uyarisqanchismi yanapawanchis rescatawananchispaq churin kachamusqanmanta Jehová Diosta astawan munakunanchispaq. Conmemoracionman hamuqkunaqa rikunqakun Diospa ruwasqan huk sumaqkunatapas. Rikunqakun Diospa llaqtanpi kaqkuna huk familia hinalla kawsaqanchista, munanakuy yachachiwasqanchista kasukusqanchistapas (Efe. 4:16, 22-24; Sant. 3:17, 18). Kay importante reunionman riyqa cambiachinmanmi runaq piensayninta, chayraykun munanchis kay discurso uyarinankupaq askha runa hamunankuta (2 Cor. 5:14, 15).

13, 14. ¿Pikunatan invitananchis Conmemoracionman, imaynata?

¹³ Hukkunata invitay hamunankupaq. Kunanmantapacha listata ruwakuy invitay munasqayki runakunaq sutinta anotaspa. Invitawaqmi familiaykita, vecinoykita, compañeroykita, visitasqayki runakunata, ñawpa tiempopi Biblia estudiaqkunatapas. Estudio de libropi superintendentekunan listankupi anotananku manaña predicaq hermanokunaq sutinta.

¹⁴ Conmemoracionpaq ruwasqa invitacionkunawan invitay, allintan ichaqa qelqanayki ima horata, maypi ruwakunanta. Munaspaykiqa invitawaqmi 15 de marzo de 2004 Atalayapi, otaq 22 de marzo de 2004 Despertadpi, qhepa paginapi rikhuriq invitacionwanpas. 4 de abril cercataqa yuyarichiy anotasqayki runakunata, kikiyki rispapas otaq telefonopi wakyaspapas.

15. ¿Imaynatan chaskinanchis Conmemoracionman hamuqkunata?

¹⁵ Conmemoracionpi. Tempranota riy Conmemoración tutaqa. Sumaqta chaskiy chayllaraq hamuqkunata (Rom. 12:13). Qanmi atiendenayki invitasqaykikunata. Allin chaskisqa kasqanta reparachiy, huk hermanokunamanpas presentay reqsinakunanpaq. Atikuqtinqa paykunaq ladonpi tiyay, Bibliankupas otaq takinanku libropas mana kaqtinqa, qanwan leechun otaq ladonpi tiyaqwanpas. Huñunakuy tukuqtin imatapas tapuqtinqa chaymanta rimaychis. Chayllaraq hamuqtinkuqa, tapuy munanpaschá Diospa Palabranmantapas paypa munasqanmantapas astawan yachayta. Ofrecekuy Bibliamanta yachachinaykipaq.

16. ¿Imaynatan yanapasunman Conmemoracionman hamuqkunata espiritualpi yapanankupaq?

¹⁶ Yanapashallasun hamuqkunata. Conmemoración qhepataqa yanapasunmanraqmi hamuqkunata. Wakinqa ñawpa tiempopi hamurankupaschá reunionkunaman, kunantaq manaña hamunkuchu. Ancianokunan allinta qhawarinanku chay runakunata mana qonqanapaq, paykunan reparananku espiritualpi ñawparisqankuta imarayku saqesqankutapas. Yuyarichiychis ima tiempopi kawsasqanchista (1 Ped. 4:7). Entiendechiy Diospa llaqtanwan huñunakunanpaq kamachikuyta kasukuspa imayna beneficiakunanta (Heb. 10:24, 25).

17. ¿Imaraykun willashanallanchis Jehovaq sumaqkuna ruwasqanmanta?

¹⁷ Jehovaq ruwasqankunaqa ancha sumaqmi, wiñaytaña kawsaspapas manan llapantaqa entiendesunmanchu (Job 42:2, 3; Ecl. 3:11). Chayraykun kanqapuni razonkuna Payta alabananchispaq. Conmemoración tiempopin rikuchisunman sumaqkuna ruwasqanmanta agradecekusqanchista, servicionchispi yapananchispaq kallpachakuspanchis.

[5 paginapi recuadro]

¿Kawaqchu precursor auxiliar kay horariokunawan?

Marzo D L* M* M* J V S Killapi

Sapa p’unchay 2 1 1 1 1 1 5 51

Iskay p’unchay 0 5 0 5 0 0 0 50

Semana tukuypi 5 0 0 0 0 0 8 52

Abril D L M M J* V* S Killapi

Sapa p’unchay 2 1 1 1 1 1 5 50

Iskay p’unchay 0 0 0 0 5 5 0 50

Semana tukuypi 5 0 0 0 0 0 8 52

Mayo D* L* M M J V S* Killapi

Sapa p’unchay 2 1 1 1 1 1 4 51

Iskay p’unchay 0 5 0 0 0 0 5 50

Semana tukuypi 3 0 0 0 0 0 7 50

* Killapi pisqa