Diosta servinankupaq hina estudiota qosun
Tawa kaq parte: ¿Imaynatan estudianteta yachachina preparakunanpaq?
1 Estudiana leccionta ñawpaqta leespa, kutichiykunatapas marcaspa, entiendesqanman hina rimananpaq piensaq estudianteqa, usqhayllan espiritualpi wiñanqa. Chayrayku, estudiota qallarispaqa estudiana leccionta paywan kuska preparakuychis, chhaynatan yachachinki imayna preparakuyta. Mayninpiqa tukuwaqchismi leccionta otaq capitulotapas.
2 Imatan marcanan, qelqananpas. Estudianteta yachachiy qelqasqa tapuykunapaq kutichiykuna tariyta. Estudiasqaykichis folletopi otaq libropi marcasqayki palabrakunata qhawarichiy. Estudiasqaykichisman hinapaschá paypas munanqa, kutichiykuna yuyarichiq palabrakuna marcayta (Luc. 6:40). Kunanqa entiendesqanman hina kutichichun. Chhaynapin yachanki maykama entiendesqanta.
3 Preparakushaspaqa, Bibliapin allinta t’aqwina mana qelqasqa textokunata (Hech. 17:11). Estudianteqa allintan entiendenan, sapanka textoq nisqanman hina parrafoq yachachisqanta. Yachachinan, libronpa otaq folletonpa patanpi pisillata qelqananpaq. Estudiopi imapas yachasqanqa Bibliaq yachachisqanmi, chayta allinta entiendechispa, kallpachay textokunaq nisqanman hina comentananpaq.
4 Imatan yachanqa, imatataq yuyarinqa. Manaraq preparakuyta qallarishaspan, estudiante yachanan ima estudiananta. Chaypaqmi qhawarinman capitulopi titulota, subtitulota, dibujokunatawan. Preparakuyta tukuspa importante puntokunata yuyarichun, kaqtinqa recuadrowan yanapachikuspa. Chaykunata ruwaspan mana qonqanqachu yachasqanta.
5 Sichus estudianteta yachachisun allin preparakuyta chayqa, congregacionpipas allintan comentanqa, estudiayta tukuspapas imaymanapaqmi preparakunqa.