Mosoq folletota rakispa llank’asun
1 Askha runaña mundontinpi imaymana sucedesqanwan llakisqa kashanku chaypas, pisillan entiendenku imarayku kay mundo chhayna kasqanta, imakuna sucedenanta, Diospa juicionpi mana wañunanpaq ima ruwanatapas (Eze. 9:4). Tiemponchispa imarayku chhayna kasqanta entiendenankupaqmi, lunes 18 de octubremanta domingo 14 de noviembrekama rakisun ¡Manténgase alerta! nisqa mosoq folletota.
2 Kay folletotaqa rakisun wasin wasinta rispa, revisitata ruwaspa, maypipas predicaspa otaq askha runakunaq kasqanpipas. Manan ichaqa llapa runamanchu saqesunchis, mundontinpi imaymana sucedesqanmanta Bibliaq willasqanpi interesakuqkunallamanmi. Pisilla interesakuqkunamanqa tratadollatan saqesun.
3 Interesachiwaqmi kayta nispa:
◼ “Askha runakunan sinchita preocupakunku, kay tiempopi llakichiq problemakunawan. [Willariy hukllatapas llaqtapi problemamanta.] ¿Yacharankichu kaykunamanta Bibliaq willasqanta? [Uyariy kutichisqanta. Chaymanta huk textota leey llaqtapi problemakunawan tupaqta Mateo 24:3, 7, 8; Lucas 21:7, 10, 11, otaq 2 Timoteo 3:1-5.] Biblian willan imarayku tiemponchis chhayna kasqanta, hamuq tiempopi ima sucedenanmantapas. ¿Munawaqchu kaykunamanta astawan yachayta? [Suyay kutichinanta. Interesakuqtinqa saqey folletota.] Gratismi kay folletotaqa saqeyku.”
4 Munaspaykiqa kaytan niwaq:
◼ “Askha runan llakikunku kay tiempopi problemakunawan otaq sapankankuq problemankuwanpas. Wakinmi tapukunku, ¿imaraykun Dios qhawallan kay desgraciakunata? nispa. Biblian asegurawanchis, Diosqa ñan tukunqaña runakuna ñak’arichiq problemakunata. Qhawariy runakunaman Diospa qonanta [leey Salmo 37:10, 11]. ¿Munawaqchu kaykunamanta astawan yachayta?” Kinsa parrafopi nisqanman hina tukuy.
5 Folleto chaskiq sapanka runaq direccioninta sutintawan anotay, hinaspa kutiy astawan interesachinaykipaq. 2004 watapaq noviembrepi Reinopaq Servicionchismi willanqa imayna ruwanata. Ñawpaq visitapi nishuta interesakuqtinqa, chay ratopachan Bibliamanta yachachiyta qallariwaq ¡Manténgase alerta! nisqa folletowan otaq ¿Imatan Dios munan ñoqanchismanta? folletowanpas.
6 Reunión de Serviciopi kay temata estudiasqanchis qhepatan kay mosoq folletotaqa orqosun. Publicadorkunapas precursorkunapas qallariy p’unchaykunapi tukunankupaq hinallan folletotaqa apananku. Jehová kay ruwasqanchista bendecichun chaymi pay alabasqa kanqa allin sonqoyoq runakunapas beneficiakunqaku (Sal. 90:17).