Setiembre killapi kallpachakusun askha runaman Bibliamanta yachachinapaq

Setiembre killapin kallpachakusun Kusisqa kausay folletowan runakunaman Bibliamanta yachachinanchispaq. Chay killapiqa atisunmanmi precursor auxiliar kayta 30 horasta Diosmanta willaspa. ¿Imaynatan chayta ruwasun?

• Chayllaraq rimashaspa. Kusisqa kausay folletoq qhepa tapanpi kaq tapuyta ruway, jinaspa sumaqllata qhawachiy imaynata Bibliamanta yachachisqanchista. Chay folletotaqa munachiwaqmi ñaupaqpi uyarikuq runamanpas. Wakinqa manapaschá munarqanchu Biblia estudiayta, kunanqa yaqapaschá munanman estudiayta. Kusisqa kausay folletotaqa manan ch’usaq wasikunapiqa saqesunchu, nitaq Diosmanta mana yachay munaq runamanpas apachisunchu. Predicacionta qhawariq umalliqkunaqa ninkumanmi juj horakunapipas chay killapi Diosmanta astawan willakunanpaq.

• Maypiña kaspapas Bibliamanta yachachinaykipaq niy: Sichus iñiq t’aqaykipi carretawan Diosmanta willashanku chayqa, Kusisqa kausay folletota runakunaq rikunanpaq jina churay. Pipas chay folletota apakuyta munaqtinqa, Bibliamanta chay folletowan yachachisqanchista willay. Pisillapitaq qhawachiy imaynata yachachisqanchista, tiempon mana kaqtinqa juj kutipi willanaykipaq niy. Predicacionta qhawariq umalliqqa ajllanmanmi allin yachachiq iñiqmasikunata tiendakunapi llank’aqkunaman Bibliamanta estudiota munachinankupaq. Maypiña kashaspapas runakunamanmi nisunman Bibliamanta yachachinanchispaq.

Jesusmi kamachiwarqanchis runakunaman yachachimunanchispaq, chhaynapi discipulonkuna kanankupaq (Mat. 28:19, 20). Chaymi setiembre killapi Kusisqa kausay folletowan askha runakunata kallpachasun Bibliamanta yachachinanchispaq.