Yanapay Diospa mensajenta uyarishanallankupaq
1 Allin willakuykunata predicaspaqa sapa kutillanmi tarinchis huk llaqtapi tiyaqkunata, huk simi rimaqkunata otaq makiwan rimaq upakunatapas. Bibliamanta rimasqanchispi interesakuq wakin runakunapas huk llaqtamanpasmi astakapunkuman. ¿Imaynatan yanapasunman Diospa mensajenta uyarishanallankupaq? Sírvase visitar (S-43-S) nisqa formulariota hunt’achispa.
2 Allin willakuykunata nacesqanku simipi predicaqtinchismi, runakunaqa aswan allinta uyarinku (Hech. 22:1, 2). Chayraykun, huk simi rimaqkunata tarispaqa formulariota hunt’achinanchis, Reinomanta mensajepiña mana interesakuqtinkupas. Predicasqanchis llaqtapi huk simi rimaq runakuna askha kaqtin, chay simipi sapa kutin predicanku chayqa, manañan formulariota hunt’achinanchischu, uyariqninchis interesakullaqtinmi hunt’achinanchis.
3 Imaynatan formulariota hunt’achina. Sumaqllata tapusun sutinta, maypi tiyasqanta, telefonontapas. Chay formulariopi qelqay hayk’a interesakusqanta, hayk’aq tarinata, ima qelqa saqesqaykita, ima qelqa mañasqanta, ima simipi allinta entiendesqanta. Formulariota hunt’achispa hinan, congregacionpi secretarioman qona, paymi apachinqa chay simipi yachachiq congregacionman.
4 Formulario apachina. Sichus secretario mana yachanchu ima congregacionman apachiyta chayqa, sucursalpi Sección de Territorios nisqa oficinatan tapunan, chaypin willanqaku mayman apachinanta. Chay formulario apachinankupaqqa manañan willanankuchu llaqtapi superintendenteman.
5 Sírvase visitar nisqa formulariota chaskispa hinan congregacionpiqa allichananku, usqhaylla visitanankupaq. Kaykuna ruwananchispaq sapankanchis kallpachakusun chayqa, ‘llapallan wiñay kawsaypaq akllasqa kaqkunaq’ sonqontan Jehová Diosqa kicharinqa (Hech. 13:48).