Sapa kutin revistakuna saqeq tunpalla yanapasun interesachinapaq
1. ¿Imaynatan sapa kutin revistakuna saqeq tunpalla interesachisunman?
1 Askha runakunan predicasqanchispi sumaqta uyariwanchis, revistanchiskunatapas munankun, Biblia estudiaytataqmi ichaqa mana munankuchu. Sapa kutin revistakunata saqespan runakunataqa interesachisunman. Revistakunata saqespaqa qelqay runaq sutinta, maypi tiyasqanta, hayk’aq saqesqaykita, mayqen revistakuna qosqaykita, Bibliapi ima texto leesqaykita, imapi interesakusqantapas. Revistakuna apasqayki runakuna imamanta yachayta munasqankuman hina, maskhay mosoq revistakunapi, kutispataq chayta qhawachiy (1 Cor. 9:19-23). Yaqapaschá ima leesqankupipas tarinqaku interesasqanta, astawantaq yachayta munanqaku.
2. ¿Imaraykun runakuna usqhaylla maskhananku Jehová Diosta, imatawanmi ruwananchis yanapananchispaq?
2 Paykunallamanta revistakunata leespallaqa manan Jehová Diospa munayninta ruwankumanchu. Usqhayllataq Jehová Diosta llapa runa maskhananku chayqa, ¿imatawanmi ruwananchis yanapananchispaq? (Sof. 2:2, 3; Apo. 14:6, 7.) Sapa kutin revistakunata apaspa, Bibliapi huk textota allinta akllaspa leey astawan interesakunanpaq.
3. a) ¿Imaynatan preparana Bibliapi huk textomanta rimanapaq? b) ¿Imakunamantan astawan yachayta munanku may predicasqaykipipas?
3 Bibliapi huk textomanta rimanapaq. Sapa kutin revista chaskiqkunaq necesidadninpi yuyaymanay, chayman hinataq Bibliamanta huk textota preparakuy rimanaykipaq (Fili. 2:4). Chayllaraq pi munasqanpas wañupun chayqa, askha kutita rispa yachachiy, ima ninmi Biblia wañusqakunamanta, ima suyakuytaqmi kan paykunapaq. Razonamiento libropin “Muerte”, “Resurrección” nisqapi astawan willakushan rimanaykipaq. Chay qhepamanpas willawaqmi imaynatan chinkanqa onqoy, machuyay, wañuypas. Chaypaqqa yachanaykin imakunamantan yachayta munan, qhawarichinaykitaq pisi pisillamanta imaninmi Biblia chaymanta.
4. ¿Imaraykun allinta entiendechina Bibliapi textokuna leechisqanchista, imaynatan chayta ruwasunman?
4 Yanapay entiendenankupaq. Pisillata, mana sasa entiendeyta rimananchis chaypas, manan leenallachu akllasqanchis textotaqa. Satanasmi runakunaq yuyayninta tutayachishan allin willaykunata mana entiendenankupaq (2 Cor. 4:3, 4). Bibliamanta yachaqkunatapas astawanmi yanapana entiendenankupaq (Hech. 8:30, 31). Ejemplokunata churaspa sut’inchay Bibliapi textokuna leesqaykita, Ministerio Teocrático Escuelapi ruwasqaykita hina (Hech. 17:3). Qhawarichiy, Diospa Siminmanta yachayqa allinpuni kawsayninpaq kasqanta.
5. ¿Imaynatan sapa kutin revista chaskiqkuna Bibliata estudiankuman?
5 Yachasqanmanta kusikushan chayqa, pisi pisillamanta aschatawan mast’ariy parlasqaykichista, iskay otaq kinsa textokunata sapa kutisqaykipi qhawarichinaykipaq. Pisi pisimanta qhawarichiy ¿Imatan Dios munan ñoqanchismanta? nisqa folletota otaq Conocimiento librotapas. Chhaynapin sapa kutin revistakuna chaskiq, hayk’aqllapas Bibliata estudianman.