Predicanapaq yanapaykuna: Revistanchiskunata leeqkunaman estudiota munachisun

Imarayku allinpuni. Askha runakunan revistanchiskunata chaskikuspa leenku, ichaqa manan munankuchu Biblia estudiayta. Yaqapaschá tiemponku mana qanchu otaq piensanku religionninkuwan allin kashasqankuta. Chhaynaña kaqtinpas revistanchiskunata leesqankuraykun pisi-pisimanta astawan Bibliamanta yachayta munankuman (1 Ped. 2:2). Yaqapaschá huknin tema sonqonkuman chayanman otaq tiempoyoqña kankuman Bibliata estudianankupaq. Sapa kuti visitaspaqa yachasunmi imamanta preocupakusqankuta. Paykunapas astawanmi reqsiwasunman hinaspa confianzawan parlapayawasunman. Tiempowanqa yaqapaschá Bibliamanta estudiota qosunman.

Imaynatan ruwasunman:

Revistata chaskikuqman chayllaraq lloqsimuq Qhawaq, ¡Rikch’ariy! revistakunata apay. Huk p’unchaykunapipas visitawaqmi saqesqayki revistapi huknin temanta leenaykichispaq otaq kallpachawaq leenanpaq. Otaq chay killapi munachikusqan qelqata apawaq. Revisitata ruwashaspa imakunatachus anotana kaqta anotay (qhaway 2014 enero killamanta Diosmanta Willasunchis nisqapi 3 paginata).
Sapa kuti visitanaykipaq preparakuy. Ama revistakunata saqeyllachu saqey, aswanpas paywan parlariy, chay hinapin amigontin kapunkichis. Chhaynapin Biblia estudiayta munananpaq yanapanki.
Ima tumpallapas Biblia estudiayta munachiy. Sichus Bibliamanta mayqen temamantapas tapusunkiman chayqa, chaymanta rimaq qelqata apay, hinaspa chayta estudiaychis. Manaraq ripushaspa chay temawan tupaq tapuyta ruway, hinaspa huk p’unchaypi chayta estudianaykichispaq qhepaychis. Sichus sapa kutilla huk runaman visitashanki hinaspa huk temamanta estudiashankichis Bibliawan otaq huk qelqanchiswan yanapachikushanki chayqa, huk estudiota hinaña yupawaq. ¿Qorqankichu Allin willakuykuna folletota? ¿Willarqankichu imaynata chay folletowan pisi tiempollapi Bibliata estudiakunman chayta? Otaq ¿Imaraykun Bibliata estudianayki?, ¿Imaynatan Bibliamanta yachachiyku? videokunata qhawachisunman. Yaqapaschá hukmantan estudiota munachiqtinchis munanman.

Killantin kayta ruway:

Huk listapi qelqay pikunaman revistakunata sapa kuti apawaq chayta. Chayllaraq lloqsimuq revistakunata apaspa niy: “Hukpi apamullasaykitaq qatiqnin revistakunata”, nispa.