Sucursalmanta cartan

Reinomanta munasqa publicadorkuna:

Estados Unidos suyupi kaq sucursalqa willawanchis 16 de mayo de 2005 watapi Wallkill llaqtapi imprenta hatunyasqanku dedicakusqanmanta, chayman riqkunataq askhapuni kasqaku, wasapasqaraq suyakusqanmanta. Huk kuraq pananchis niran: “¡Askhatapuni kusichiwan! Wasiman kutiqtiyqa iñiqmasiykunata askhan willanay kashan. Kaymi ñawpaq kaq hamusqayqa, Jehová munaqtinqa, kutimusaqmi sapan watan”, nispa.

Chaymantapas, Ecuadorpi, Perupi, Venezuelapi, Colombiapipas kaq sucursalkunaq territorionpi ruwakuran kinsa mosoq circuitokunata, kay servicio watata qallarispa. Chhaynapi tawantin sucursalkunapi kashan 23 distritokuna 251 circuitokuna ima.

2.572 allin llank’aq publicadorkuna allin willakuykunata predicashanku kay simikunapi: aymará, sapanqa suyupi makiwan rimay, quechua (Ancash, Ayacucho, Cusco), quichua, wayuunaiki ima. Kay simikunapi Conmemoracionpaq huñunakuranku 7.063 runakuna, yaqa kinsa kuti publicadorkunamanta.

Chaymantapas, 2005 servicio watapi hatarichikuran allichakuran ima 110 Reinopaq Salonkunata tawantin sucursalpa territorionpi. Kaykunaqa ruwakuran Reinopaq Salonkunata hatarichinapaq 389 siervokunawan, voluntariokunaq yanapayninpiwan. Anchatapuni reqsikunchis wayqenchiskunaq yanapanapaq qokusqankuta.

Colombiapipas sucursalta hatunyanankupaq llank’asqankuqa allinyashanmi. Tukukunña imprentata hatunyanapaq llank’ayqa, mosoq oficinakunatapas; kunantaq hatarichikushan huk mosoq tiyanapaq edificiota, visita chaskinapaq wasitapas. Chay ruwaykunaqa tukukunqa 2006 kuskan wataman manaraq chayashaspa.

Kallpachanapaqmi Reinoq ruwayninkunapaq llank’asqaykichisqa. Chaymantapas reqsikuyku tukuy sonqowan Reino ruwayninkunapaq qolqewan yanapasqaykichista (Pro. 3:9, 10). Mañakushayku Jehová Diosta saminchawashanallanchispaq hukllachasqa kallpachakusqanchis ‘hatun-kayninmanta yupaychananchispaq’ (Efe. 1:12).

Wayqeykichiskuna,

Sucursalpi oficina