Sucursalmanta cartan

Munasqa wayqe panakuna:

2007 servicio watapi tawantin sucursalkunaq kasqan nacionkunapi predicayninchis yapakuran, chaymi anchata kusikunchis. Ecuador nacionpi 13 kutitaña rikukushan publicadorkunaq yapakusqanta, abril killapaqqa 58.421 publicadorkunan karan, 98.302 estudiokunatataq qoranku. Perú nacionpitaq octubre killapi qoranku 152.073 estudiokunata, marzo killapitaq ayparanku 20.091 precursor regularkunaman. Venezuela nacionpitaq enero killapi wasaparanku 100.000 publicadorkunata, abril killapitaq ayparanku 104.014 publicadorkunaman. Colombia nacionpitaq abril killapi ayparanku 130.846 publicadorkunaman, chay killallapitaq 179.775 estudiokunata qoranku. Kaykunan rikuchin cosechay tiempopi tukuy sonqo llank’asqaykichispi Jehová Dios yanapasqasuykichista.

Kay tawantin nacionkunapin rakikuran 15 millón Noticias del Reino núm. 37 nisqa tratadota, chay tratadoq temanmi karan “¡Se acerca el fin de la religión falsa!” nisqa. Unayña mana predicaq pananchismi huk tratadota chaskikusqa, leeruspataq manaña puñuytapas atisqañachu. Domingo p’unchaytaq huñunakuyman rispa Bibliamanta estudiota qonankupaq mañakusqa.

Chay tratadokunataqa rakinchis allin sonqoyoq runakuna Bibliamanta yachanankuta munaspanchismi (Mat. 28:19, 20). Chayrayku, predicasqaykichis runa makilla uyariqtinqa kallpachakuychis estudiota qallarinaykichispaq. Kusikuykun qankunawan kuska kay hatun llank’aypi llank’aspa. Tukuy sonqoykuwan napaykamuykiku.

Iñiqmasiykichiskuna,

Oficina Sucursalmanta