Runakunapi interesakusun allin qhawariq kaspa
1 Jehová Diospas Cristopas yachankun runakunaq ima necesitasqankuta, chaymi paykunalla allin yanapayta qonkuman (2 Cró. 16:9; Mar. 6:34). Ñoqanchispas runakunaq ima interesakusqanpi, llakikusqanpipas allinta reparasun chayqa, uyarinankupaq hinan allin willakuykunata predicasun.
2 Imatapas rikusqaykiman hina predicay: Jesusqa imatapas rikushallaqmi (Mar. 12:41-43; Luc. 19:1-6). Sichus ñoqanchispas manaraq punkuta takashaspa rikusun religionninmanta imatapas, carronkupi k’askachisqa qelqakunatapas, otaq pationkupi wawaq pukllanankunatapas chayqa, allintapunin willasun allin willakuykunamanta.
3 Uyanta qhawarispa, imayna chaskiwasqanchistapas qhawarispan yachasunman imayna sientekusqanta (Pro. 15:13). Yaqapaschá munakusqan runa wañupusqanmanta, ima sasachakuykunapi tarikusqanmantapas kallpachanata munashan. Bibliapi textokunata leeqtinchispas agradecekunqakupaschá (Pro. 16:24). ¿Imatan ruwasunman runa wasinmanta lloqsishaqtinña, otaq marq’ayninpi waqashaq wawawan lloqsimuqtin? Chhayna kaqtinqa huk p’unchay kutinapaqpaschá qhepana kanman. Sichus runakunapi interesakusun otaq ‘llakipayasun’ chayqa, uyariwasunpaschá kutiqtinchis (1 Ped. 3:8).
4 Interesakusqankuman hina predicay: Atenas llaqtapi ‘Mana Reqsisqa Diospa Altarninta’ rikuspan, chayman hina allin willakuykunata predicananpaq apóstol Pablo niran: “mana reqsispalla yupaychasqaykichis, chay Diosmantan ñoqaqa willashaykichis”, nispa. Chhaynata qallariqtinmi Reinomanta willasqanta uyarispa hukkunapas iñiranku (Hech. 17:23, 34).
5 Allin qhawariq kaspan ñoqanchispas runakunaq interesakusqanta reparasun, chayman hinataqmi predicasunpas. Tapuykunata ruwasun iman sonqonpi kasqanta yachanapaq. Yuyaykusun ima textokunan yanapanman astawan interesakunankupaq (Pro. 20:5). Allin qhawariq kaypas sonqomanta hukkunapi interesakuypas, yanapawasunmi allin willakuykuna predicasqanchista uyarinankupaq.