Sapanka runapi interesakusun munasqankuman hina rimaspa
1 Apóstol Pablo allin willakuykunamanta willananpaqqa, ñawpaqtaraq yuyaykuq imayna kawsasqankupi, imayna yuyaykusqankupipas (1 Cor. 9:19-23). Ñoqanchispas kallpachakunanchismi ejemplonta qatikunapaq. Wasimasinchispa ima necesitasqanpi yuyaymanaspan yachasun Reinopaq Servicionchispa yanapayninkunawan imayna yanapayta. Manaraq punkuta takashaspa, reparasunmanpaschá ima temakunapi wasiyoq interesakunman, chayman hina predicanapaq. Chaymantapas, kashanraqmi huk yanapaykuna interesakusqankuman hina predicanapaq.
2 Runakunaq kutichisqanta allinta uyarisun: Predicaspaqa tapuytan ruwanchispuni, suyanchistaq kutichinanta. ¿Imaynatan kutichinki kutichisqanta uyarispa? ¿Allinmi yuyaykusqayki nillankichu, chaymantataq tapusqallaykimanta rimanki? Otaq, ¿uyarinkichu kutichisqanta, munasqanman hinataq rimanki? Runakunaq yuyaykusqanpi interesakuspaqa, astawanpaschá tapuykunata ruwawaq ima yuyaykusqantapas yachanaykipaq (Pro. 20:5). Chhaynapin, uyariqpa llakikusqanman hina tupachisun Reinomanta willakuykunata.
3 Kaykunan qhawarichiwanchis qallariypi mana yuyaykusqanchis temakunamanta rimananchispaq. Ejemplopaq, qallarisunmanpaschá rimayta noticiapi huk sasachakuy uyarisqanchismanta, uyariqninchistaq rimanman llaqtanpi imapas kasqanmanta otaq paypa llakikuyninmanta. Paypitaq interesakunchis chayqa llakikusqanman hina Bibliamanta rimasun (Fili. 2:4).
4 Interesakusqanman hina rimasun: Sichus uyariqninchis ruwanqa huk tapukuyta chayqa, yaqapaschá hukpi kutina kanqa tapukusqanmanta astawan yachaspa chaymanta rimanapaq. Munachillasunmantaqmi tapukusqanman hina huk qelqata. Chhaynata ruwaspaqa, yanapasunmi runamasinchista Jehová Diosta reqsinankupaq (2 Cor. 2:17).