Predicanapaq yanapaykuna: Runakunapi interesakuy

Imarayku allinpuni. Jesusqa llapa runakunapin interesakuq. Huk kutinmi huk roqt’u runaman asuykurqan qhaliyachinanpaq. Chay runaqa manchasqapaschá kasharqan chaypaschá Jesusqa sapaqllaman apaspa qhaliyachirqan (Mar. 7:31-35). Qatikuqninkunamanpas manan sasakunatachu yachachirqan, aswanmi yachay atisqallankuta yachachiq (Juan 16:12). Kunanpas Jesusqa hanaq pachamantan runakunata qhawamushan (2 Tim. 4:17). Ñoqanchispas Jesús hinan llapa runakunapi interesakunanchis (1 Ped. 2:21; 1 Juan 3:16, 18). Runakuna uyariwananchispaqqa imamantachus llakikusqankumanta imamantachus yachay munasqankumantan rimapayananchis. Sichus paykunapi interesakusqanchista reparanqaku chayqa, sumaqtan uyarikunqaku.