Jehová Diospa p’unchayninta suyakushallasun

1. ¿Iman asambleaq teman, ima raykutaq allinpuni?

¹ Isaiasmi qelqaran: “Señor Diosmi [...] chanintapuni ruwaq Dios [...]. ¡Kusisamiyoqmi paypi suyakuqkunaqa!”, nispa (Isa. 30:18.) Bibliapi askha willakuykunata tarinchis, Diospa juicionta awqankunaman chayachimusqanmanta, hunt’aq sonqo kamachinkunata kacharichisqanmantapas. ¿Imatan yachachiwanchis chay willakuykuna kunan tiempopi tiyaq Jehová Dios yupaychaqninkunata? ¿Imata ruwaspa makilla kasunman ‘Señor Diospa hatun manchana p’unchayninta’ chaskinanchispaq? (Joel 2:31, 32.) “Kacharichiyninchis tiempon chayamushanña”, nisqa Distrito Asamblea kallpachawasun kay tapuykunata yuyaymanananchispaq, qhawarikunanchispaqpas. Huk rimaypi nisunman, yanapawasun Jehová Diospa p’unchayninta suyakushanallanchispaq.

2. ¿Imaynata rikuchisunman distrito asambleamanta agradecekusqanchista?

² ¿Allichakunkiñachu kinsantin p’unchayta asambleaman rinaykipaq? ¿Ñachu patronniykimanta permisota mañakunkiña chay p’unchaykunapaq? Ama yuyaychu mana imata ruwaspalla permiso qonasuykita. Jehová Diosmanta mañakuy (Neh. 2:4, 5). Ama carropi rinata, qorpachakunata, hukkunatapas allichanaykitaqa qhepachinaykichu. Allinta allichakuspaqa rikuchisunmi Jehová Diospa qowasqanchis espiritual mikhunamanta agradecekusqanchista. Congregacionpi kuraq wayqe-panakunata, necesitaqkunatapas ancianokunan yanapananku asambleaman rinankupaq (Gál. 6:10).

3. ¿Imaynatan portakunan Jehová Diospa llaqtan asambleapi?

³ Allin portakuyqa Diostan hatunchan: Distrito asambleapi hina hatun huñunakuykunapi huñunakuqtinchisqa allin portakusqanchismi runata predican. ¿Imatan ruwananchis chhaynaqa? Asambleaq qayllan hotelkunapi, restaurantekunapi, hukkunapipas rimanakusqanchis runakunaqa contenton kananku cristiano kasqanchista qhawaspa: pacienciayoq kasqanchista, llamp’u sonqo kasqanchista, cuerpo kamachiq kasqanchista, sumaq sonqo kasqanchistapas (Gál. 5:22, 23; Fili. 4:5). Munakuyqa “manan mana ruwanakunatachu ruwan, manan payllapaq kanantachu munan, manan phiñakunpachachu”; llapallanchismi kay hina munakuyniyoq kananchis. Sasachakuykunaña kanman chaypas, ‘lliwtan ruwananchis Diosta hatunchanapaq’ (1 Cor. 10:31; 13:5).

4. ¿Imaynatan tayta-mamakuna wawankuta yanapankuman allinta portakunankupaq, Jehová Diosta yupaychanankupaqpas?

⁴ Asamblea tukuqtinña, hotelpa gerenten muspharanraq testigo wayna-sipaskunaq allin portakuyninta p’achakuynintapas rikuspa, paymi niran: “Munaymanpuni Jehová Diospa testigonkuna hotelniypi qorpachakunankuta”, nispa. ¡Maytan kusikunchis chhayna rimasqankuta uyarispa! Kayqa rikuchin tayta-mamakunaq wawankuta allin yachachisqankuta cuidasqankutapas. Tayta-mamakunaqa qhawashanallankupunin wawankuta. Wawakunataqa manan saqenachu paykunaq munasqankuman hina (Pro. 29:15). Munanchispuni allin kawsayniyoq kaspa Jehová Diosta hatunchanankuta, sonqontapas kusirichinankuta (Pro. 27:11).

5. ¿Imaynatan Jehová Diosta hatunchasunman p’achakuyninchiswan, sumaqchakuyninchiswanpas?

⁵ Yuyaywan p’achakuymanta sumaqchakuymantawan: Sapankanchismi aswan allinta rikuchisunman asambleakunata; chaypaqqa karunchakunanchismi mana allin, hukniray, mana yuyaywan p’achakuymanta sumaqchakuymantapas. Kaytaqa ruwanallanchistaqmi asambleaman rispa, chaymanta kutipuspa, asambleaq maypichus ruwakunanta allichaspa, asambleapi kashaspapas. Jehová Diospa kamachinkunaqa sutin hatunchasqa kanantan maskhanku, manan paykunaq munayninkutachu. Familiapi kaq umaqa qhawashananmi wasinpi kaqkuna allin yuyaywanpuni p’achakunankuta (1 Tim. 2:9).

6. ¿Imanaqtinmi allin yuyaywanpuni p’achakunanchis asambleapi, mana chaypi kashaspapas?

⁶ Hotelkunapi, tiendakunapi, restaurantekunapipas kashaspanchisqa allin yuyaywanpuni p’achakunanchis. Sapa p’unchay asamblea tukuyta mikhuq rispanchisqa, allinmi kanman asambleaman risqanchis p’achallawan riy. Qhasqonchispi tarjetachata apasun chayqa, atisunmi hukkuna predicayta (2 Cor. 6:3, 4).

7. ¿Imatan ruwasunman asambleapi mana ch’aqway kananpaq, kusikuy kananpaqpas? (“Distrito asambleapaq yuyariykuna” recuadrota qhawariy.)

⁷ Isaías willaran: “Señor Diosmi ichaqa suyashasunkichis anchata khuyapayananpaq, [...] sinchitapuni munashan qankuna khuyapayaykuyta”, nispa (Isa. 30:18). Jehová Diospa khuyapayakuyninmanta, mana tukukuq munakuyninmantawan agradecekunchis, chaymi payta hatunchanchis allin portakuyninchiswan p’achakuyninchiswanpas distrito asambleakunapi. Allintapuni yachanchis “Kacharichiyninchis tiempon chayamushanña” nisqa Distrito Asambleaqa Diosninchista hatunchananta, paypa p’unchaynin suyananchispaq yanapawananchistapas.

[5 paginapi recuadro]

Distrito asambleapaq yuyariykuna

◼ Programapaq horario: Asambleaqa qallarinqa kinsantin p’unchay 9.30 tutamantanta, punkukunataq kichakunqa 8.00 tutamantanta. Manaraq huñunakuy qallarishaqtinmi presidenteqa plataformapi tiyanqa, uyarikunqataq Reinomanta takikunata. Chayta uyarispa hinan llapanchis tiyananchis asamblea qallarinanpaq. Ñawpaq kaq p’unchay huñunakuy tukunqa 5.15 tardenta, iskay kaq p’unchaytaq 5.05 tardenta, kinsa kaq p’unchayñataq 4.10 tardenta.

◼ Carrokunaq sayanan: Carrokunaq sayanan manataq hatunchu chayqa, huk carrollapi askha richunku, huklla otaq iskaylla sapanka carronkupi rinankutaqa.

◼ Tiyanakuna waqaychanamanta: Noqanchiswan kuska carropi riqkunallapaqmi tiyanataqa waqaychana, otaq kaq wasillapi tiyaqkunapaq.

◼ Chawpi p’unchay mikhuna: Chawpi p’unchay samanapaqqa mikhunanchista apakunanchis hawapi rantinamantaqa. Apasunmanmi mikhunanchista tiyasqanchis pachanpi cabeqllata. Manan hatunchu kanan mikhuna waqaychanaqa, nitaqmi apanachu vidriomanta imatapas, machana ukyanakunatapas.

◼ Donacionkuna: Distrito asambleapi askhan gastokunaqa, chaymi agradecekusqanchista rikuchisunman teqsimuyuntinpi llank’anapaq atisqanchisman hina donacionninchista qospa, Huñunakuna Wasipi otaq asambleapi.

◼ Accidentekuna, qonqayllamanta onqoruqtinkupas: Qonqayllamanta pipas onqoqtinqa acomodadormanmi willana, payñan Primeros Auxilios Departamentoman willanqa, paykunañataqmi yanapanqaku imayna tarikusqanman hina.

◼ Pisi uyariqkunapaq: Wakin asambleakunaqa FM radiopipas uyarikunqa. Asambleakunapi chhayna kaqtinqa, asamblea qallariytan willakunqa. Radiopi uyarinapaqqa pisi uyariqkunan apananku audifonoyoq huch’uy radiota.

◼ Grabadorakuna: Grabadorata apaspaqa manan hukkunata distraenachu, nitaq localpa corrientenman, sonidopaq corrientenmanpas hap’ichinachu.

◼ Foto orqoy: Discursokuna kashaqtin fotota orqoyta munaspaqa ama k’anchachiychu.

◼ Celular telefonokuna: Hukkunata mana distraechinapaq hinan programananku.

◼ Sírvase visitar hojachakuna: Distrito Asambleapi, pi predicasqanchispas astawan yachayta munan chayqa, Sírvase visitar (S-43) nisqa hojachakunapi qelqananchis sutinta, maypi tiyasqanta, hukkunatawan. Kay hojachata congregacionninchispi secretarioman qonanchis asambleamanta kutispa (qhawariy 2005 watamanta febrero killamanta Reinopaq Servicionchis, 6 paginata).

◼ Qorpachana: Qorpachayta munaspaqa congregacionpi secretariowanmi rimana, qorpachanapaq formulariotataq hunt’aspa qona. Huk llaqtapi asambleaman rinaykipaq necesitanki qorpachanata chayqa secretarioman willay, hunt’asqa solicitudtataq payman qoy, payñataqmi apachinqa. Ama asamblea qayllaykamunantaraqchu suyay solicitudniykita hunt’anaykipaq, qorpachana departamentotan sasachawaq (1 Cor. 14:40). Pipas wawakunantin qorpachasqa kaspaqa respetanankun qorpachaqpa wasinta, manan imantapas llaminankuchu, maskhanankuchu nitaq malogranankuchu. Qorpachakuyqa asamblea p’unchaykunallapaqmi. Manan allinchu kanman mayta rinapaqpas, ima ruwanapaqpas qorpachakusqayki wasipi askha p’unchay qhepakuyqa.