Hukkunapi interesakusun llapa runaman predicaspa
1 Apóstol Juanqa hanaq pachanta huk ángel phalashaqta rikuran, chay angelmi wiñay qespichikuypaq allin willakuykunata kay pachantinpi willanan karan, “llapa suyukunaman, ayllukunaman, tukuy t’aqa rimaqkunaman, llaqtakunamanwan” (Apo. 14:6). ¿Kasukushankichu chay angelpa umallisqanta lliw runakunaman predicaspa? Yaqapaschá mana reparakuspalla sonqonchispi wakin runakunaman sayapakushasunman wakintataq pisichashasunman. Runakunamanta imayna yuyaykusqanchismi tanqawasun allinta otaq mana allinta predicananchispaq. Chaymi sonqomantapuni interesakunanchis imaymana clase runakunata predicanapaq.
2 Allinta qhawariy predicanayki runakunata: ¿Llaqtaykipi kanchu wak llaqtamanta runakuna otaq llaqtanmanta ayqeq runakunapas? Yaqapaschá paykunata mana reparashanchischu, chaymi kallpachakunanchis paykunata tarinanchispaq aswan allinta reqsinanchispaqpas. ¿Yachanchischu ima necesitasqankuta, imamanta llakikusqankuta; ima munasqankuta, chenikusqankuta; ima manchakusqankuta, pikunaman sayapakusqankutapas? Kaykunata yachaspan, Reinomanta willakuykunata paykunapaq hina willasun (1 Cor. 9:19-23). Apóstol Pablo hina willananchispuni allin willakuykunata llapa llaqtanchispi tiyaq runakunaman, chaykunan kanman: wak llaqtayoq runakuna, hukniray kawsayniyoq runakuna, huk simi rimaqkuna, qhapaq runakunapas (Rom. 1:14, nota NM).
3 ¿Imaynata predicasunman wak simi rimaq runata? Buenas nuevas para gente de todas las naciones nisqa folletota qhawachispa. Chaymantapas apawaqmi tratadokunata otaq folletokunatapas llaqtaykipi wak simi rimaqkunapaq (qhawariy Nuestro Ministerio del Reino de julio de 2003, pág. 4, párrs. 2, 3). Wakin publicadorkunaqa kallpachakunku huk simipi napaykukuyta yachanankupaq, pisi simillapi predicanankupaqpas. Runakunaqa hatuntaraq qhawarinku rimasqanku simipi pipas rimapayaqtin, chhaynapin astawan munanqaku allin willakuykuna uyariyta rimapayaqnin pisillataña rimanman chaypas.
4 Jehová Diosman rikch’akuy: Imaymana clase runakunaman predicanapaq kallpachakuqtinchisqa Jehová Diosmanmi rikch’akushanchis, payqa manan pimanpas sayapakunchu, aswanpas “payqa munanmi llapan runakuna qespichisqa kanankuta, cheqaq-kayta reqsinankutapas” (1 Timoteo 2:3, 4).