Día especial asambleapaq mosoq programa

Santo espirituq kallpachasqanmi ñawpa cristianokunaqa imaymana kaqninkuta gastaspa allin willakuykunata aparanku kay pachaq k’uchunkunakamaraq (Hech. 1:8; Col. 1:23). Paykuna hina kananchispaqmi kay 2007 wata día especial asambleaqa rimanqa: “Diospa siminta willaspallaña purisun” nisqa temamanta (Hech. 18:5).

Diospa Siminmanta rimaspan rey Davidqa niran: “Señor Diospa unanchasqa siminqa mana kuyuqmi, mana yachaqtan yachayniyoqman tukuchin”, nispa (Sal. 19:7). Kay 2007 día especial asambleaq programanqa allin yuyaywan allichasqan kashan. Kaypin rikuchikunqa Diospa Simin Qelqa “wanachinapaq” allin kasqanta, kallpachawasuntaq Diospa Simin Qelqawan k’uchilla predicanapaq yachachinapaqpas (2 Tim. 3:16, 17). Chaymantapas rikuchiwasun imaynatan Bibliaq nisqanman hina kawsay yanapawasunman mana allinkunamanta karunchakunanchispaq. Rikuchillawasuntaq imaynatan Diospa Siminwan wayna-sipaskunata, mosoqkunatapas yanapasunman espiritualpi wiñanankupaq.

Kallpachakuy asamblea manaraq qallarishaqtin chaypi kanaykipaq, makilla uyarinaykipaqpas. Yachachikuykuna qanpaq hina kaqtinqa qelqawaqmi. Anchata agradecekuy yachachikuykuna yuyarichiykuna chaskisqaykimanta, yuyaymanaytaq chay yachasqaykiman hina ruwanaykipaq.

Día Especial Asambleaqa yanapawasun Diospa Siminta astawan munakunanchispaq, yuyarichiwasuntaq Reinomanta allin willakuykunata tukuy sonqo predicashanallanchispaq, yachachiwasuntaq imaynata hukkunata yanapasunman chay hinata ruwanankupaq. Chay hinaqa, Jehová Diospa kay asambleapi yachachiwasqanchista llapallanta uyarinapaq kallpachakusun (Isa. 30:20b, 21).