‘Tiempollanpi [...] mikhuna’
1. ¿Imaynatan yanaparqasunki kay watapi huk p’unchay huñunakuyninchis? ¿Imakunapin hukkunata yanaparqan?
1 Yaqa llapa cristianokunan huk p’unchay huñunakuyninchis qhepata ninchis: “¡Chaytapunin necesitasharqanchis!” nispa. Chay huñunakuy tukuytan wakin cristianokuna iñiq t’aqakunata watukuq iñiqmasiman asuykuspa willakusqaku predicacionpi astawan llank’ay munasqankuta. Iñiq t’aqakunata watukuq cristianon nin: “Yanapawarqankun imayna tiempopi kasqaykuta reparanaykupaq, kawsayniykuwan imata ruwasqaykuta qhawarinaykupaqpas”, nispa. Hukmi nillantaq: “Askha cristianokunaq willakusqan hina, chay huñunakuypin entienderqanku Diospaq llank’ayta ñawpaqman churananku kasqanta”, nispa.
2. ¿Imakunamantan hamuq watapi yachasun huk p’unchay huñunakuyninchispi?
2 Kay watapi huk p’unchay huñunakuyninchispas tiempollanpin mikhuna hina chayamuwasun. Chay huñunakuypa temanqa Salmo 118:8, 9 textomantan horqosqa kashan. Chaypin kaykunata yachasun: Jehová Dios sasachakuy tiempopi pakaykuq qaqa hina kasqanmanta, imaynatan hukkunata yanapasunman Diospa waqaychasqan kanankupaq, imaynapin ñoqanchispas Dios hina hukkunapaq pakakuna qaqa hina kasunman, imaynapin wayna-sipaskuna rikuchinkuman Diospi hap’ipakusqankuta, imaynapin Diospa llaqtanpi kasqanchis pakaykuwanchis.
3. ¿Imakunan yanapawasun mikhuna espiritualta mana usuchinapaq?
3 Mikhuna espiritualta ama usuchisunchu. Hayk’aq kananta yacharuspa hina allichakushayña chay huñunakuyman rinaykipaq, estudiantekunata invitanaykipaqpas. Yuyariy, uyarisqankuta hap’ikuqkunan “pacienciawan rurunku” (Luc. 8:15). Tukuy yuyaywan uyariy rimamusqankuta, pisillata qelqay qanpaq hina yachachikuykunata predicanaykipaq otaq yuyarinaykipaqpas. Huñunakuy qhepata familiaykiwan parlariychis uyarimusqaykichismanta, qhawariychistaq ima yachachikuykunan sapankaykichista yanapasunkichisman chayta.
4. ¿Imaraykun kusisqa suyakunanchis huk p’unchay huñunakuyninchista?
4 Kay watapaq huk p’unchay huñunakuyninchisqa necesitasqanchisman hinan munakuywan ruwasqa kashan, imaynan sumaq mikhunata ruwakun hina. Jehová Diosmi saminchayninta qosunki huñunakuyman rinaykipaq kallpachakusqaykimanta, ‘tiempollanpi kamachinkunaman mikhuna qosqanta’ chaskikusqaykimantapas (Mat. 24:45).