¿Kallpachakusunmanchu precursor regular kanapaq?
1. ¿Imapi ‘llank’anapaqmi kusapuni kashan’?
1 Apóstol Pabloq ‘llank’ananpaq kusapuni kashaqtinmi’ payqa llank’ayta qallariran allin willakuykunata predicaspa, hinaña contranpi kaqkuna askhapuni kasharan chaypas (1 Cor. 16:9). Kunanqa, teqsimuyuntinpi 642.000 publicadorkuna kusatapuni llank’ashanku precursor regular kaspanku.
2. ¿Imaraykun qhawarikushanallanchis imaynapi tarikusqanchista?
2 Qhawarikushanallanchismi imaynapi tarikusqanchista: Hinaña kunan mana precursor kayta atinchischu chaypas, qhepamanqa ichapas atisunmanmi. Chaymi qhawarikushanallanchis imaynapi tarikusqanchista, manataqmi tukuy imapas allinpuni kanantaraqchu suyananchis precursor kanapaq (Ecl. 11:4). ¿Ñachu colegioykita tukushankiña? ¿Escuelamanñachu wawaykikuna rinqaku? ¿Ñachu llank’anaykimanta jubilakunaykipaq hinaña kashanki? Chhayna kaqtinqa tiempoykin aypanqa precursor regular kanaykipaq. Huk pananchismi 89 watanpi kashaspa precursora regular karan. ¿Imarayku? Huk watañan mana imamantapas onqoranchu, chaymi yuyaykuran precursora kananpaq.
3. ¿Imaynatan wakin wayqe pananchiskuna allichakuranku precursor kanankupaq?
3 Huk kutinmi apóstol Pablo Corinto congregacionman watukuq rinanpaq yuyaykuran, ichaqa manan riranchu allin willakuykunata predicananrayku. Kunanpas, askha iñiqmasinchiskunan kawsayninkuta allicharanku precursor kanankupaq. Wakinqa kapuqnillankuwanmi kawsanku, pisillatataq llank’anku astawan predicanankurayku. Kunanqa anchatapunin kusikunku precursor kaspanku (1 Tim. 6:6-8). Wakin casadokunapas allichakunku qosalla llank’ananpaq esposantaq precursora kananpaq.
4. Sichus iskayashanchis precursorpa horanta hunt’aymanta chayqa, ¿imatan ruwasunman?
4 Manan usqhayllachu ninanchis: Manan atiymanchu precursorpa ruwanan horata hunt’aytaqa, nispa. Precursor regular kanapaqqa iskay horata hinallan sapa p’unchay predicana. Iskayashanchisraqchus chayqa, precursor auxiliarta hap’ispa huk otaq iskay killa llank’asunman qanchis chunka horaman aypay yuyaywan. Chhaynapin precursor regularkuna hina kusikusun (Sal. 34:8). Huk precursorkunawan rimasunman; paykunapas tarikusqanchispi hinapaschá tarikuranku manaraq precursor kashaspanku (Pro. 15:22). Chaymantapas, Jehová Diospa yanapayninta mañakunanchis predicayninchista yapananchispaq (1 Juan 5:14).
5. ¿Imaraykun precursor regular kay ancha allinpuni?
5 Allinpunin precursor kayqa: Precursor regularkunaqa askha allinkunatan chaskinku. Askhatataq runamasinman qonku chayqa, aswan kusisqa kawsanku (Hech. 20:35). Aswan allintan Diospa Simin Qelqata yachachinku (2 Tim. 2:15). Paykunaqa chaskikushallankun Jehová Diospa yanapayninta (Hech. 11:21; Sal. 121:1, 2). Chaymantapas, precursorkunaqa Diospa sumaq kayninkunatan kawsayninkupi ruruchinku, ejemplopaq aguanteta; chaymantapas astawanmi Jehová Diosman asuykunku (Sant. 4:8). Chhaynata llank’anapaq kusapuni kashaqtin, ¿kallpachakusunmanchu precursor kanapaq?