¿Yuyashankichu precursor regular kasqaykita?
1. ¿Ima sumaq llank’aypin askha iñiqmasikuna llank’arqanku? ¿Imatan wakin saqepurqanku?
1 Waranqanpi iñiqmasikunan unay watakuna “yachachishallaqkupuni [...] allin willakuykunata willashallaqkupuni” precursor regular kaspa (Hech. 5:42). Wakinmi ichaqa imapas sucedesqanrayku chay sumaq llank’ayta saqepurqanku. Sichus qantapas chay sucederqasunki chayqa, ¿qhawarikurqankichu kunan imaynapi tarikusqaykita? Yaqapaschá hukmanta precursor regular kayta atiwaq.
2. ¿Imaraykun ñawpaqpi precursor kaqkuna qhawarikunanku kunan imaynapi tarikusqankuta?
2 Kawsayninchisqa cambianmi. Yaqapaschá kunanqa manaña ñawpaqpi hinañachu tarikushanki. Ñawpaqqa manapaschá 90 horata hunt’ayta atirqankichu, ichaqa kunanqa 70 horallatañataq predicanchis chayqa hukmantan precursor kawaq. Otaq kunanqa manaña nishutachu qolqeta necesitanki nitaq familiayki uywaypipas nishutañachu gastanki. Huk hermananchismi onqosqa tarikusqanrayku precursora kasqanta saqepurqan, ichaqa huk wata masña mana hospitalpi kasqanta qhawarispan hukmanta 89 watanpi precursora kapullarqantaq.
3. ¿Imaynatan familiapi llapaykichis yanapakuwaqchis huknin precursor kananpaq?
3 Sichus mana hayk’aqpas precursor regularchu karqanki, ichaqa familiaykimanta mayqenpas precursor kasqanta saqepurqan yaqapaschá kurak tayta-mamaykichista cuidananrayku chayqa, ¿imatan ruwawaq? (1 Tim. 5:4, 8.) Qanpas otaq familiamanta hukpas yanapawaqchismi, chaytan llapaykichis qhawariwaqchis (Pro. 15:22). Sichus familiapi llapaykichis yanapankichis precursor kananpaq chayqa, llapaykichismi niwaqchis chay llank’aypi yanapakusqaykichista.
4. Yapamanta precursor kayta mana atispa, ¿imatan ruwawaq?
4 Ama pisi kallpayaychu sichus manaraq yapamanta precursor kayta atinkichu chayqa. Chay munasqallaykiraqmi Jehová Diostaqa kusichin (2 Cor. 8:12). Ichaqa precursor kaspayki imakuna yachasqaykiwan predicashallay. Jehová Diosmanta mañakushallay hinaspa qhawarikushallay imaynapi tarikushasqaykita (1 Juan 5:14). Tiempowanqa Jehová Diosmi astawan llank’anaykipaq yanapasunki hinaspa yapamanta precursor kaspa kusisqa Diosta serviwaq (1 Cor. 16:9).