Revistakunaqa lliw runapaqmi
1. ¿Imata ruwaspan allin yuyayniyoq hunt’aq kamachi apóstol Pablota qatikun?
1 Imaynan apóstol Pablopas ‘lliw runaman’ chayananpaq hina allin willakuykunata willarqan, chhaynallataqmi allin yuyayniyoq hunt’aq kamachipas revistakunawan imaymana clase runakunaman chayan (1 Cor. 9:22, 23). Qhawaq, ¡Despertad! revistakuna pikunapaq ruwasqa kasqanta yachaspan allinta chaykunawan predicasun.
2. ¿Imayna runakunapaqmi ¡Despertad! revista ruwakamun?
2 ¡Despertad! Kay revistaqa “Atenas llaqta runakuna” hinapaqmi, apóstol Pablon paykunaman predicarqan (Hech. 17:22). Chay runakunaqa manan cristianochu karqanku, manan imatapas Diospa Siminmantaqa yacharqankuchu. Chhaynallataqmi ¡Despertad! revistata leeqkunapas mana Diospa Siminmanta yachankuchu. Manapaschá yachankuchu Jesuspa yachachikuyninkunamanta, religionniyoq kaymanta iskayyanku otaq Bibliaq yachachikuyninkuna runaq allinninpaq kasqanta mana reparankuchu. Chayraykun kay revistaqa cheqaq Diospa kasqanta runakunaq yachananpaq yanapan. Hinaspapas Bibliapi creenankupaqmi kallpachan, Jehová Diospa testigonkuna huk religionkunamanta hukniray kasqantataq rikuchin.
3. ¿Pikunapaqmi ruwakamun sapanka Qhawaq revistakuna?
3 Qhawaq. Kinsa killapaq Qhawaq revistaqa Diospi, Bibliapi creeq runakunapaqmi ruwakamun, Pabloq nisqan hina, “Diosta yupaychaq” runakunapaq (Hech. 13:14-16). Paykunan wakin yachachikuykunata reqsinkuña ichaqa manan sut’itachu entiendenku. Huñunakuypi estudianapaq Qhawaq revistaqa Jehová Diospa testigonkunapaqmi. Apóstol Pabloqa cartankuna leeqkunamantaqa yuyaykurqanñan Bibliamanta yachasqankuta, hinaspa sut’ita imatapas entiendesqankuta (1 Cor. 1:1, 2). Chhaynallataqmi revista estudiasqanchiswanpas, chayqa ruwakamun huñunakuykunaman riqkunallapaqmi, paykunaqa entiendenkuñan yachachikuykunata ima simikuna utilizasqanchistapas.
4. ¿Imaraykun allinta yachananchis sapanka revistamanta?
4 Iskaynin revistataña kuskata munachinchis chaypas, huknillanmantan rimanchis. Chaymi sapankamanta allinta yachananchis. Chhaynapin runakuna interesakusqanku temakunamanta yachayta munanqaku.