Jesuspa wañusqanta tukuy sonqowan yuyarisun
1, 2. ¿Imaraykun Jesuspa wañusqanta agradecekuywan yuyarinanchis?
1 Jesuspa kamachisqanta kasukuspan cristianokunaqa teqsimuyuntinpi huñukusun Jesuspa wañusqanta yuyarinapaq 2008 watapi sábado 22 marzo killata, Inti haykuy qhepata (Luc. 22:19; 1 Cor. 11:23-26). Jesuspa wañusqanmanta agradecekusqanchista rikuchinanchispaqmi huñukusunchis, wañusqanmantaqa 1.975 watañan karun. Jesusqa kurkupi ñak’arishaspa hunt’aq kasqanwanmi Taytanpa sutinta ch’uyancharan, Satanaspa millay k’amisqantapas kutichiran (Job 1:11; Pro. 27:11).
2 Hinaspapas, Jesuspa yawarninwanmi cheqaqchakuran mosoq rimanakuy, chayraykun Jehová Diosqa huchayoq runakunata wawanta hina reqsikapuran Cristowan kuska hanaq pachamanta kamachimunankupaq (Jer. 31:31-34; Mar. 14:24). Chaymantapas, Jehová Diosqa Jesuspa wañusqanwanmi runakunaman rikhuchiran ancha munakuyninta, chaytan Jesusqa willaran Nicodemoman (Juan 3:16).
3. ¿Imaynatan Jesuspa Wañusqanta Yuyarinapaq huñunakuy yanapanqa hamuqkunata?
3 Mink’asunchis: Enero killamanta Reinopaq Servicionchispin willakuranña reqsisqanchis runakunaq sutinta listapi qelqanapaq, chhaynapi Jesuspa Wañusqanta Yuyarinapaq huñunakuyman mink’anapaq. ¿Ñachu mink’amushanchisña? Chaymantapas, 1 p’unchay marzomanta predicasqanchis runakunaman Jesuspa Wañusqanta Yuyarinapaq invitacionkunata saqemusun. ¿Ñachu allichakushanchisña saqemunanchispaq? Kayta yuyarinanchis: chay sumaq huñunakuypi Bibliamanta willakuykunata uyariqkunaqa astawanmi Jesuspa wañusqanpi iñinkuman, chay iñiytaq yanapanqa wiñay kawsayman aypanankupaq (Rom. 10:17).
4. ¿Imaraykun ñawpaqta chayananchis Jesuspa Wañusqanta Yuyarinapaq huñunakuyman?
4 Atispanchisqa kallpachakusun huñunakuyman ñawpaqta chayananchispaq, chhaynapi mink’asqanchis runakunata chaskinanchispaq. Jesuspa Wañusqanta Yuyarinapaq huñunakuymanqa askhan hamunku, chaymi makilla kashananchis mosoqkunata chaskinapaq ichaqa manan qonqananchischu maynillanpi huñunakuykunaman hamuqkunatapas.
5. ¿Imaynatan sonqonchista preparasunman Jesuspa wañusqanta yuyarinapaq?
5 Sonqonchista preparasun: Examinando las Escrituras diariamente nisqa folletopi, 2008 wata calendariopipas kashanmi textokunata leenapaq allichasqa programa, chayqa qallarikunqa 17 marzo killamanta. Chay textokunata leespan yuyarisun imakuna sucederan Jesuspa wañunan p’unchay qayllaykamushaqtin. Diosmanta mañakuspa chay textokunapi yuyaymanasun chayqa sonqonchista preparasun Jesuspa Wañusqanta Yuyarinapaq, chhaynapin Jehová Diostapas Churintapas tukuy sonqomanta agradecekusun munakuywan kacharichiy sacrificio qosqankumanta (Esd. 7:10; Sal. 143:5).
6. ¿Imaraykun allinninchispaq kanqa tukuy sonqomanta Jesuspa wañusqanta yuyariy?
6 Jesuspa Wañusqanta Yuyarinapaq p’unchay qayllaykamushanñataq chayqa, allichakushananchisña chay huñunakuyman rinapaq. Hukkunatapas yanapananchismi rinankupaq. Jesuspa wañusqanta tukuy sonqomanta yuyariyqa astawanmi hukllachawasun Jehová Dioswan Churinwanpas (2 Cor. 5:14, 15). Chaymantapas, kallpachawasun runamasinchiskunata munakunanchispaq imaynan Jehová Diospas Churinpiwan munakuwaranchis hinata (1 Juan 4:11).