Diospa Simin Qelqaqa atiyniyoqmi
1. ¿Iman huk p’unchay huñunakuyninchispa teman?
1 Bibliaq yanapayninta hinaqa manan mayqen runapas yanapawasunmanchu. ¿Imarayku? Diospa Siminqa anchatan yanapawanchis imayna yuyaykusqanchista cambianapaq Diospa munasqanman hina kawsanapaqpas. Chay hinaqa, ¿imayna atiyniyoqmi Diospa Simin Qelqa? ¿Imaynatan aswan allinta yanapachikusunman? ¿Imaynatan aswan allinta utilizasunman hukkunata yanapanapaq? Chay tapuykunatan 2014 watapi huk p’unchay huñunakuyninchispi kutichikunqa. Chay huñunakuypa temanqa “Diospa Simin Qelqaqa atiyniyoqmi” nisqan, chayqa Hebreos 4:12 textomantan horqosqa kashan.
2. ¿Ima tapuykunatan kutichikunqa chay huñunakuypi?
2 Tapuykuna. Chaypi yachachikuykunata uyarisqaykiman hina anotay kay tapuykunaq kutichiyninta.
• ¿Imaraykun Diospa Simin Qelqapi confiananchis? (Sal. 29:4)
• ¿Imaynatan Diospa Simin Qelqa kawsayninchispi yanapawasunman? (Sal. 34:8)
• ¿Imaynatan Diospa Simin Qelqata allinta utilizasunman predicayninchispi? (2 Tim. 3:16, 17)
• ¿Imatan ruwasunman Saqraq kamachisqan pachawan mana q’otuchikunapaq? (1 Juan 5:19)
• Wayna-sipas, ¿iman yanapasunkiman iñiyniykipi ñawparinaykipaq? (Jer. 17:7)
• ¿Iman kallpachawasun pisipaqtinchis? (2 Cor. 12:10)
• Imakunapiña pantashanchis chaypas, ¿iman yanapawasun chaykunata atipanapaq? (Efes. 4:23)
3. Yachachikuykunata uyarisqanchismantapas, ¿ima allinkunan kanqa chay huñunakuyninchispi?
3 Chay huñunakuypi yachachikuykunata uyariyqa allinninchispaqmi kanqa. Hinaspapas huk p’unchay huñunakuyninchispiqa huk hatun huñunakuyninchiskunapi hinan huk iñiq t’aqakunamanta iñiqmasinchiskunawan tupaspa kallpachanakusunchis (Sal. 133:1-3; 2 Cor. 6:11-13). Chaymi tiempota t’aqananchis unayña reqsisqanchis, chayllaraq reqsisqanchis iñiqmasinchiskunawanpas parlarinapaq. Hinaspapas sichus chay huñunakuyninchisman iñiq t’aqakunata qhawariq iñiqmasi, Betel wasimanta iñiqmasinchispas hamunman chayqa, paykunatapas esposantapas reqsirisunman. Ancha kusikuywanmi suyashanchis chay huñunakunanchis chayamunanta.