Estudiokunata qallarinapaq mosoq tema
1. ¿Ima mosoq teman predicanapaq Qhawaq revistapi lloqsimunqa? ¿Imapaqmi ruwasqa kashan?
1 Abril killamantapachan predicanapaq Qhawaq revistapi lloqsimunqa huk mosoq tema: “Diospa Siminmanta yachachikuykuna” nisqa, chaymi yanapawasun estudiokunata qallarinapaq. Askha leeqkunaña kusikunqaku chaypas, paykunawan t’aqwinanchispaqmi ruwakamunqa.
2. ¿Imayna ruwasqan kashan chay tema?
2 ¿Imayna ruwasqan kashan? Titulopas, subtitulokunapas tapuypin kashan uyariqkunawan t’aqwirinanchispaq. Wakin textokunaqa manan copiasqachu kashan, ahinapi runakuna Bibliamantapuni leenankupaq. Parrafokunapas huch’uyllan, chayraykun punkullapi estudiakunman. Sapanka temataq Imatapunin librota qhawarichin, chhaynapi chay librowan facilta estudiota qallarinapaq.
3. ¿Imaynatan wasin-wasinta predicaspa estudiota qallariwaq mosoq temawan?
3 ¿Imaynatan chay temawan predicawaq? Revistakunata munachispaqa uyariq runa interesakunanpaq hina huk tapuyta ruway. Abril killamanta Qhawaq revistan rimashan Bibliaqa confianapaq kasqanta. Niwaqmi: “¿Diospa Simin Qelqata hinachu Bibliata qhawarinki, icha huk allin librota hinallachu? [Uyariy kutichisqanta.] Chaymantan kay revista rimashan”, nispa. Ñawpaqkaq tapuyta ruwaspa qallariy parrafota leey, maskhaytaq chaypi kaq textota. Hukmanta tapullaytaq pay kutichinanpaq. Chaypi kaq tapuykunata t’aqwiriychis tiempoq aypasqanman hina. Manaraq ripushaspa tapuy qatimuq tapuyta, rimanakuychistaq astawan t’aqwirinaykichispaq hayk’aq kutinaykita. Sapa semana kutiy chay revistata estudianaykichispaq. Otaq Imatapunin librowan estudiota munachiy, estudio imayna aparikusqantataq qhawarichiy revistapi chay temata t’aqwispa.
4. Revisitakunata ruwaqtinchis, ¿imaynatan mosoq tema yanapawasunman?
4 Chaymantapas mosoq temaqa yanapawasunmanmi sapa killan revistata chaskiqkunawan revisitakunawan ima estudiota qallarinapaq. Niwaqmi: “Huk mosoq teman lloqsirqamun Qhawaq revistapi, qhawarisun imamantas rimashan chayta”, nispa. Jehová Diosmantan mañakuyku kay mosoq temawan askha runakuna ‘cheqaq-kayta reqsinankupaq’ (1 Tim. 2:4).