Jesuspa Wañusqanta Yuyarina killakunapi astawan predicay
1. ¿Ima razonkunan kashan marzo, abril, mayo killakunapi astawan predicanapaq?
1 ¿Munawaqchu marzo, abril, mayo killakunapi astawan predicayta? Yaqapaschá tiyasqayki cheqaskunapi chay killakunapi sumaq tiempo kanman otaq llank’anamanta escuelamanta vacacionpi lloqsishanki, chhayna kaqtinqa atiwaqmi astawan predicayta. 2 abril p’unchaymantapachan llapa runakunaman invitamusunchis Jesuspa Wañusqan P’unchayta Yuyarinanchispaq, chayqa aparikunqa 17 abril p’unchayta. Chay qhepamantaq chay huñunakuyman hamuqkunata kallpachasun 25 abril p’unchayta sumaq discursota uyarikunankupaq. Chhaynaqa askha razonkunan kashan Jesuspa Wañusqanta Yuyarinapaq killakunapi astawan predicanapaq.
2. ¿Imatan ruwawaq astawan predicanaykipaq?
2 Precursor auxiliar kawaq. Precursor auxiliar kaspaqa astawanmi Diospaq llank’awaq. Lliwpas imaymana ruwanayoqtaq kanchis chayqa, precursor auxiliar kaspa llank’anapaqqa ñawpaqmantan allichakunanchis horarionchistapas cambiananchismi (Pro. 21:5). Yaqapaschá chay killakunapaq ima ruwanaykita yuyaykurqankiña. Ichaqa mana nishu importante kaqtinqa huk kutipaqmi saqewaq (Fili. 1:9-11). Huk iñiqmasikunaman willay precursor auxiliar kay munasqaykita, yaqapaschá paykunapas precursor kaspa llank’ankuman.
3. ¿Imatan familiakuna ruwankuman astawan predicanankupaq?
3 Familiantin Diosta Yupaychana Ch’isipin qhawariwaqchis imakuna aypay munasqaykichista (Pro. 15:22). Yanapanakuspaqa yaqapaschá wakinniykichis otaq hukllpas precursor auxiliar kawaqchis, huk killa otaq askha killapas. Sichus chay ruwayta mana atiwaqchischu chayqa, kallpachakuwaqchismi wakin tardenkuna predicanaykichispaq otaq sabadon domingon astawan predicacionpi qhepakunaykichispaq.
4. ¿Imakunan kanqa Jesuspa Wañusqanta Yuyarina killakunapi astawan predicaqtinchis?
4 Jehová Diosqa rikunmi payta servinanchisrayku imaymana ruwasqanchista, valorantaqmi chay ruwasqanchista (Heb. 6:10). Jehová Diosta servisqanchispas runakunata yanapasqanchispas kusichiwanchismi (1 Cró. 29:9; Hech. 20:35). ¿Llank’awaqchu astawan Jesuspa Wañusqanta Yuyarina killakunapi? Chayta ruwaspaqa ancha kusikuytan tarinki, hinallataq Jehová Diosmanta sumaq bendicionkunatapas chaskinki.