Callekunapi predicayqa allinpunin
1. ¿Imaynatan Jesús hina predicasunman?
1 Jesusqa mana iskayaspan runakunaman predicaq ñankunapi runakunaq kasqan cheqaskunapipas (Luc. 9:57-61; Juan 4:7). Payqa anchatan munarqan llapa runakunaman allin willakuykuna willayta. Kunanpas callekunapi predicaspan runakunata yanapanchis Diosmanta yachanankupaq (Pro. 1:20). Chay ruwayninchis allin kananpaqqa, ñoqanchismi runakunata rimaynanchis allin yuyaywantaqmi chayta ruwananchis.
2. ¿Imaraykun ñoqanchis runakunata rimaynanchis callekunapi predicaspa?
2 Ñoqanchismi runakunata rimaynanchis. Sayaspa otaq tiyaspa runakunata suyanamantaqa ñoqanchismi paykunata rimaynanchis. Kusisqa uyawanmi qhawarinanchis sumaq simiwantaq rimayna huk amigota hina. Sichus huk iñiqmasiwan rinki chayqa, sapankaykichismi t’aqarinakuspa runakunata rimaywaqchis. Astawan yachayta munaqtinqa kallpachakunan yapamanta chay runawan parlarinapaq. Rimayta tukuspan tapusunman imaynatas yapamanta paywan parlarisunman chayta. Askha iñiqmasikunan sapa kutilla kaq callellapi predicanku, chhaynapin rimasqanku runakunawan yapamanta tupanku, astawantaq kallpachanku yachashanallankupaq.
3. ¿Imaynatan allin yuyaywan callekunapi predicasunman?
3 Allin yuyaywanmi parlana. Allinta qhawariy maypi predicanaykita pikunawan parlanaykitapas. Manan llapa puriqtachu predicana. Allin qhawariqmi kana. Sichus huk runa usqhaylla purishan chayqa, manan sayachinachu. Huk negociopi predicaspaqa sumaqllata mana reparachikuq hinalla predicay, encargado ama phiñakunanpaq. Aswan allinmi runakuna tiendamanta lloqsimushaqtin predicay haykushastinku predicaymantaqa. Sumaqllata ama mancharichiq hinalla asuykuy. Chaymantapas allintan reparana qelqanchiskunata qonapaq, sichus mana ancha interesakunchu chayqa, tratadollatan qosunman amataq revistatachu.
4. ¿Imaraykun callekunapi predicay allinpuni kusikunapaqtaq?
4 Callekunapi predicaspaqa pisi tiempollapin askha runaman chayasun (Ecl. 11:6). Yaqapaschá wakinqa wasinkupi mana tarisqanchis runakuna kankuman. Chaymi callekunapi predicayqa allinpuni kusikunapaqtaq kanpas, ¿yanapakuwaqchu qanpas?