Imaynatan plazakunapi, parquekunapi, callekunapipas allinta predicasunman
1. Ñawpa cristianokuna hina, ¿imaynatan kunan tiempopi cristianokunapas predicashanku maypipas tarikuq runakunata, tarinkutaqchu uyariy munaqkunata?
1 Jesuspa ñawpa discipulonkuna hinan, kunan tiempopi cristianokunapas reqsichiyta munanku maypipas tarikuq runakunaman allin willaykunata (Hech. 16:13; 17:17; 20:20, 21). Maypipas runakunaq tarikusqanpi predicanankupaq kallpachakusqankurayku, uyariy munaqkunata tarishanku, yaqapaschá wasin wasinta predicaspa mana hayk’aq tarisqankuta.
2. ¿Imaraykun allin yuyaywan predicananchis plazakunapi, parquekunapi, callekunapipas, imaynatataqmi yanapasunman mana ch’arwipi predicanapaq?
2 Allinta reparakuspan plazakunapi, parquekunapi, callekunapipas predicana. Chaypaqqa allinta yuyaykuspan ruwana. Ejemplopaq, plazakunapi, parquekunapi, callekunapi, negociokunapipas kaqllapi askha publicadorkuna predicanqa chayqa, yaqapaschá wakinqa phiñakunqaku, chhaynaqa mana allintachá qhawachisunman predicayninchista, manataq uyariwasunmanpaschu. ¿Chaykuna mana kananpaq imatan ruwananchis? Wakin congregacionpa predicananpiqa askhan plazakuna, parquekuna, callekunapas, chaymi wakin congregacionqa t’aqanku askha territoriopi (1 Cor. 14:40). Maykunapin congregacionpa llank’anan chayllapi predicaspaqa manan ch’arwipichu predicasun, comité de servicio nisqawan allichallaqtinkun huk congregacionpa territorionpi yanapasunman (qhawariy 1998 watapi, noviembre killamanta, 6 paginapi 18, 19 parrafokunata Reinopaq Servicionchispi, españolpi).
3. ¿Imatan wakin publicadorkuna ruwanku plazakunapi, parquekunapi, callekunapipas, predicanankupaq?
3 Imaynatan qallarisunman runakunawan rimayta. Jacobpa p’onqon qayllanpi Jesús huk warmiwan rimananpaqqa, pisillamantan qallariran, uyarikusqanman hinataq astawan rimapayarqan (Juan 4:7-26). Kay ruwayqa allinmi kunanpas. Wakin publicadorkuna, manaraq predicashaspa pisi minutokunallapi napaykuspa tapurinku imayna tarikusqanta, chaypitaqmi yuyaykushanku imaynata Reinomanta rimayta qallarinqaku. Willarinku llaqtapi imakuna sucedesqanta, chaymantataq rimayta qallarinku. Runakuna llakikuyninmanta willakuqtinkutaq ch’inlla uyarinku, chaymantataq Diospa Siminwan kallpachanku (Rom. 15:4).
4. ¿Imaynatan uyariqkunata astawan interesachisunman?
4 Imaynatan astawan interesachisunman. Piwanpas sumaqta rimaspaqa qhepanapunin hukpi rimanapaq, chhaynapi astawan interesachisunman. ¿Imaynatan chayta ruwasunman? Rimayta tukuspan cuadernota orqospa nisunman: “Sumaqtan qanwan parlarini. ¿Kay temamanta hukpi parlarisunmanchu?”. Otaq nisunman: “Munaymanmi huk qelqa leenaykita. ¿Apamuymanchu wasiykiman otaq llank’anaykimanpas?”. Wakin publicadorkunaqa khaynallatan tapunku: “¿Ima numeromanmi waqyamuykiman?”, uyariqtaq numeronta qoykun.
5. ¿Imapaqmi kallpachakuna plazakunapi, parquekunapi, callekunapipas predicaspa?
5 Plazakunapi, parquekunapi, callekunapipas uyarikuq runakunan askhaña Bibliamanta estudiota chaskishanku. Estudiakunmanmi wasinpi, llank’asqankupi, parquekunapi, plazakunapi atikuqtinqa, otaq telefonopipas. Kallpachakusun Bibliamanta estudiokuna qallariyta, plazakunapi, parquekunapi, callekunapipas allinta predicaspa.