¿Imaynatan askha runakunaq kasqanpi predicasunman?
1. ¿Imaynatan wakin iñiq t’aqakuna predicashanku?
1 Wakin iñiq t’aqakunaq predicasqanku callekunapi, parquekunapi huk ladokunapi iman askha runakuna purinku. Chaymi paykunata kallpachakurqan mesakunapi otaq carretakunapi qelqakunata churaspa chay callekunapi predicanankupaq. Carretapi predicaspaqa huk iñiqmasin chaypi sayashanan otaq tiyashanan runakunata suyaspa, mesapi predicaspataq iskay kananku. Chaypi predicaqkunaqa misk’i simiwanmi runakunata rimapayananku. Pipas asuykuqtinqa hukninkun ninman: “Yaqachu hayk’aqllapas tapukurqanki...”, nispa. Hinaspapas huk otaq iskay iñiqmasikunan chay qayllapi hukkunaman predicashananku.
2. Experienciata willay askha runakunaq kasqanpi predicay allinpuni kasqanmanta.
2 Askha runakunaq kasqanpi predicakusqanwanmi aswan askha runakuna Bibliata estudiayta qallarishanku. Huk kutinmi universidadpi estudiaq sipas Jehová Diospa testigonkunamanta qelqayta munarqan, ichaqa manan huñunakunanchis wasita tarirqanchu. Huk semana qhepamanmi kikin universidadpi tarirqan mesapi qelqanchiskunawan predicaqkunata. Hinan payqa Bibliata estudiayta qallarirqan. Kunanqa bautizakapunñan chay hina predicaypitaqmi yanapakushan.
3. ¿Ima ninkun askha runakunaq kasqanpi predicaq iñiqmasikuna?
3 Huk cristianan nirqan: “Wakin runakunan asuykamunku chayllaraq chayamuq revistakunata mañakuq. Wakinqa manan hayk’aqpas ñoqanchismanta uyarisqakuchu. Kay hina predicasqanchiswanqa aswan askha runakunamanchá predicasun”, nispa. Huk cristianan nillantaq: “Ancha munaymi kay hina predicayqa, runakunaqa paykunallamantan asuykamunku”, nispa.
4. ¿Imaraykun mesapi otaq carretapi predicaspa kaq p’unchaykunallapi, horallapi, callellapi sayachina?
4 Mesapi otaq carretapi predicaspaqa kaq p’unchaykunallapi, kaq horallapi kaq callellapin sayachina. ¿Imarayku? Munaqkuna qelqakunaman kutimunankupaq otaq ima munasqankumantapas tapukunankupaq. Iñiq t’aqaykiri, ¿yanapakushanchu chay hina predicaypi? Sichus qankunapas chay hinata predicaspa ‘Diospa qhapaqsuyunmanta willamunkichis’ chayqa, kusikuytan tarinkichis (Luc. 9:60).