“Sichus qelqayta chaskiwanki chayqa, chaskillasaykitaq”

Wakin runakunaqa qelqanchista chaskinankupaqqa, paykunaq qelqankutaraqmi chaskinanchista munanku. Chay qelqakunan ichaqa mana cheqaqtachu Diosmanta yachachinku. Chhaynaqa, ¿imaynatan kutichisunman? (Rom. 1:25.) Yaqapaschá nisunman: “Gracias ichaqa, ¿imamanta riman? ¿Willanchu sasachakuykuna imayna tukukunanmanta? [Uyariy kutichisqanta. Sichus nisunkiman: ‘Leespan chaytaqa yachanki’, nispa chayqa, niwaqmi qelqayta qonaypaqqa ñawpaqtan willarqayki imamanta willasqanta. Chaymanta leey Mateo 6:9, 10 textota.] Leesqay hina Jesusqa sut’ita yachachirqan Diospa Gobiernonwan kay pachapi Diospa munaynin ruwakunanta. Chayraykun leesqay qelqakunaqa riman imakunata Diospa Gobiernon ruwananmanta. Munaqtiykiqa Bibliawan astawan qhawarisunman Diospa Gobierno imakuna ruwananmanta”, nispa.