Tapuykuna

◼ ¿Predicasunmanchu estudiotapas qosunmanchu internetpi huk nacionpi tiyaq mana reqsisqanchis runaman?

Wakin iñiqmasikunan internetpi estudiota munachishanku predicacionta hark’asqanku otaq pisilla Testigokuna kasqan nacionkunapi runakunaman. Chaypin wakinqa tarishanku estudiokunata. Ichaqa manan allinchu kanman mana reqsisqanchis runakunawan internetpi parlay (qhaway Reinopaq Servicionchis qelqata 2007 wata julio killapi 3 paginata). Allin sonqoyoq runakuna yanapay munasqanchisqa allinmi, ichaqa chaypin tupasunman mana allin runakunawan otaq Diospa contranpi sayariq runakunawan (1 Cor. 1:19-25; Col. 2:8). Hinaspapas predicacionta hark’asqanku nacionkunapin, apachisqanchis correokunata autoridadkuna tarinkuman. Hinaspa chaypi tiyaq iñiqmasinchiskunata imatapas ruwayta munankuman. Chaymi mana huk nacionkunapi tiyaq runakunataqa internetpi predicananchischu.

Sichus huk nacionmanta runata predicasunman chayqa, internetpi jw.org nisqatan qhawachinanchis chaypi qelqakunata maskhananpaq otaq tiyasqan nacionpi sucursalpa direccionninta qonanchis. Manañan paywan rimanachu llaqtanman kutipuqtinqa, sucursal niwasunman chayllañan imatapas ruwasunman yanapanapaq. Tiyasqan cercapi huñunakuna wasi kan chayqa, invitasunmanmi chayman rinanpaq. Astawan yachayta munan chayqa, Persona que mostró interés (S-43) nisqa hojachapin sutinta, direccionninta qelqananchis chaytataq secretarioman qonanchis. Paymi sucursalman apachinqa jw.org nisqapi. Hinan chay runaq sutinta tiyasqan nacionpi sucursalman apachinqaku (qhaway Diosmanta Willasunchis qelqata 2014 wata junio killapi 7 paginata, Diosmanta Willasunchis qelqata 2011 wata noviembre killapi 2 paginata).

Sichus estudiachisqanchis runa huk nacionman ripun otaq internetpi estudiachishanchis mana reqsisqanchis runata chayqa, iskay parrafopi nisqanman hinan ruwananchis. Yanaparisunmanmi chay nacionpi tiyaq iñiqmasiwan tupanankama. Ichaqa chay nacionpi autoridadkuna hark’ashanku predicanata chayqa, anchatan cuidakunanchis Bibliamanta carta apachisqanchismanta, telefonopi rimaymanta otaq internetpi mensaje apachiymanta (Mat. 10:16).