Diosmi Jeremiaswan yachachiwanchis

1. ¿Español simipi ima librotan chaskikurqanchis 2010 wata hatun huñunakuypi?

¹ Ancha kusikuywanmi 2010 watapi “Jehová Diospa qayllallanpi kasun” nisqa hatun huñunakuypi español simipi Jeremías librota chaskikurqanchis. Chaypin tarikun kawsayninchispaq allin yachachikuykuna, Jeremías Lamentaciones qelqakunamantataq horqosqa kashan (Rom. 15:4).

2. ¿Imaraykun ancha allin Jeremías librota estudiay?

² P’unchayninchiskunapaq hinan. Jeremiasqa Diospa yuyaychasqanmi Bibliapi huk librota qelqarqan, Judá llaqtapi sasa tiempokuna kashaqtintaq Diosmanta willarqan. Ñawpaqpiqa manan chayta ruwananpaq hinachu sientekurqan (Jer. 1:6). Hinaspapas Anatot llaqtamasinkunaq qatiykachasqanmi karqan, yaqapaschá chaypi tarikurqanku familiankuna reqsisqankunapas (Jer. 11:21, 22). Chaychá mayninpiqa pisikallpayarqan (Jer. 20:14). Ñoqanchispas ‘llapa suyu runakunata yachachimuspan’ Jeremías hina imaymanapi tarikunchis pay hinataq sientekunchispas (Mat. 28:19). Paypa qelqasqanta estudiaymi yanapawasun predicayninchista tukuy sonqowan aparinanchispaq.

3. ¿Imayna ruwasqan kashan Jeremías libro?

³ ¿Imaynan chay libro? Leenanchis textokunaqa k’iranpasqa (cursiva) letrakunawanmi kashan. Sapanka t’aqa tukuytan huk otaq iskay tapuykuna tarikun yana letrakunawan allin yachachikuykunata yuyarinapaq, munay dibujokunapas kanmi.

4. ¿Imatan ruwananchis kay libro yanapawananchispaq?

⁴ Kawsayniykipi predicayniykipi imakunas yanapasunkiman chaykunata kay libropi tarispa chayman hina ruway. Jeremiasqa Diospa yanapayninwanmi kamachisqanta hunt’arqan (Jer. 15:16). Kay libron yanapawasun predicayninchista kusisqa aparinapaq.