Tapuykuna

◼ ¿Huk cristiana qatakunanchu umanta huk cristianowan wasi punkupi estudiota qoqtin?

Sichus huk cristiana estudiota qonqa huk cristianoq ñawpaqenpi chayqa umanta qatakunan (1 Cor. 11:3-10). 2002 wata 15 julio killamanta La Atalaya 27 paginanpi nin: “Sichus huk cristiana estudiota qoshan ichaqa huk cristianoq ñawpaqenpi pay estudiota aparinqa chayqa, iñiq t’aqapipas yachachishanman hinan chay ruwasqanqa, chaymi umanta qatakunan”, nispa. Cristianakunaqa chaytan ruwananku wasipi, wasi punkupi otaq maypiña estudiota qoshaspapas.

Ichaqa, ¿imaynan kanman manaraq estudiota qallariqtin? Sichus huk cristiana huk cristianowan otaq mana bautizasqa predicaq qhariwan Bibliamanta yachay munaq runaman chayllaraq visitashanku, Bibliamanta imayna estudio aparikunanpaq willaq rinku otaq chayllaraq t’aqwirishanku estudianankupaq qelqata chayqa, manan umanta qatakunanchu. Wasi punkupi estudiota qallarikunanpaqqa mayninqa askha kutitaraqmi visitakun, chaymi cristianakunaqa allin yuyaywan qhawarinanku hayk’aqmantapacha umankuta qatakunanku chayta.