Predicanapaq yanapaykuna: Allinta qelqasun astawan yachay munaqkunamanta

“Qan kikiykita allinta cuidakuy, hinallataq yachachikuyniykitapas”. (1 Tim. 4:16.) Chaytan apóstol Pablo Timoteota nirqan, chaywanmi yachanchis llapallanchis kallpachakunanchista. Chaypi yanapawananchispaqmi Diosmanta Willasunchis qelqapi lloqsimunqa “Predicanapaq yanapaykuna” nisqa yachachikuy. Sapanka yachachikuymi willanqa huk yanapaymanta, chay yanapayman hinataqmi killantin llank’asunchis. Killa tukuytan Predicayta Yachanapaq Huñunakuypi rimasunchis imaynata chayman hina llank’asqanchis yanapawasqanchista. Kunanqa yachasunchis astawan yachayta munaqkunamanta imakunatachus qelqananchis kasqanta.

Imarayku allinpuni. Ñoqanchisqa manan predicallanchischu aswanpas yachay munaqkunamanmi hukmanta kutispa cheqaq kaqmanta yachachinanchis, chhaynapin tarpusqanchis muhuta qarpashanchis (Mat. 28:19, 20; 1 Cor. 3:6-9). ¿Imaynatan chayta ruwasunman? Chaypaqqa uyariqwan tupaspan imachus interesasqanmanta otaq ñawpaqpi parlasqanchis yachachikuymanta astawan parlarisunman. Chaykunata ruwananchispaqmi yanapawasun paykunamanta qelqay.