Predicanapaq yanapaykuna: Estudianteta yachachiy predicacionpaq preparakuyta

Imarayku allinpuni. Llapa Biblia estudiaqkunatan yachachinanchis Jesuspa ‘lliw kamachikusqankunata’ kasukuyta, yachasqankuta hukkunaman yachachiytapas (Mat. 28:19, 20). Askha estudiantekunan, Bibliamanta allin yachachiq kanapaq escuelapi matriculasqa kashanku, astawan yachasqankuman hinataqchá familiankuman amigonman ima willashanku. Llapa runakunaman yachachina kasqanta yacharuspaqa Testigokunawan kuskachá predicayta munanqaku (Rom. 10:13, 14). Predicananpaq hinaña kasqanta umallikuna qhawarinqaku chayqa, yachachinanchismi kanqa predicayta, chay hinapin mana manchakuspa runakunaman yachachinqa (Luc. 6:40).

Imaynatan ruwasunman:

Kuska horqoychis predicananpaq qelqakunata, willaytaq chay qelqakuna imapaq kasqanta. Bolsonniykita qhawachispa yachachiy imaynatan qelqakunata apanan chayta.
Diosmanta Willasunchis nisqa qelqapi lloqsimuq huk yanapayta akllaychis chaytataq ensayaychis. Escuelapi Yachay libropi 82 paginapi imaynapichus predicanapaq willasqanman hina ensayaychis. Kallpachay imayna rimasqanman hinalla rimananpaq, kallpachaytaq allin p’achasqa limpio rinanpaq (2 Cor. 6:3, 4).
Qhawachiy tarjeta de territorio nisqata, yachachiytaq estudiay munaqta tarispa registro de casa en casa nisqapi imakuna hunt’ana kasqanta (1 Cor. 3:6). Yachachiy Buenas nuevas para gente de todas las naciones nisqa folletowan hinallataq jw.org nisqawan imayna yachachiyta.
Pacienciawan yanapay, allinkuna ruwasqanmantataq “kusa” niy (Prov. 25:11). Tukuy imapi allin ejemplo kay. Payqa manan hayk’aqpas qonqanqachu munakuywan yachachisqaykita predicacionpi allin ejemplo kasqaykitapas.

Killantin kayta ruway:

Estudiantewan kuska predicay, kuska riychis revisitaman otaq estudio qoqpas. Manaraq estudianteyki kanchu chayqa, chayllaraq publicador kaqwan chaykunata ruway.