Predicanapaq yanapaykuna: Runakunaman rikuchisun imaynata estudio qosqanchista

Imarayku allinpuni: Askha runakunan mana yachankuchu imaynata estudio qosqanchista. Yaqapaschá wakinqa yuyaykunku hukkunawan huñunakuspa otaq cartapi estudio chaskiyta. “¿Munawaqchu estudiayta?” nispalla ninamantaqa qhawachisunmanmi imaynata estudio qosqanchista. Iskay kinsa minutollapin rikuchisunman Bibliata estudiay facil-lla kasqanta, allinninkupaq kasqantapas.

Imaynata ruwasunman:

Napaykuspa tapuriy: “Askha runakunan llakikunku hamuq tiempopi kawsaymanta, ¿ima ninkin chaymanta?”, nispa.
Willay askha runakuna chaykunamanta llakikusqankuta. Imatapunin librota qhawachispataq niy: “Kay libroqa Bibliaq nisqanman hinan willashan hamuq tiempopi kawsaymanta huk temakunamantapas”, nispa. Qhawachiy índice nisqata tapuytaq mayqenmanta yachay munasqanta.
Huk librota qoy maskhaychistaq akllasqan capitulota. Qallariypi tapuykunata qhawachispa willay qatimuq parrafokunapi chaykunamanta willashasqanta.
Munaqtinqa qallariypi kaq parrafota leechun. Leeyta tukuqtin uranpi kaq tapuyta leey, yanapaytaq kutichiyta tarinanpaq. Kutichiywan tupaq textota leespa chaymanta parlariychis. Qhawachiy libroykipi kutichiykuna marcasqaykita.
Qatiqnin parrafota leesqaykichis qhepaman, kallpachay entiendesqanman hinalla kutichinanpaq.
Allin kutichisqanmanta “kusa” niy, rimaychistaq qatimuq parrafokunamanta hukpi yachanaykichispaq.
Atikuqtinqa jw.org/quz nisqapi qhawachiy ¿Imaynatan Bibliamanta yachachiyku? nisqa videota.

Killantin kayta ruway:

Jehová Diosmanta mañakuy estudiay munaqta tarinaykipaq (Filip. 2:13).
Predicaq lloqsispa kallpachakuy Imatapunin librowan estudiota qallarinaykipaq otaq huk kutillatapas ¿Imaynatan Bibliamanta yachachiyku? nisqa videota qhawachinaykipaq.