**Predicanapaq yanapaykuna: Imatapunin librota munachisun**

Imaraykun munachinanchis. Imatapunin librowanmi astawanqa yanapachikunchis Bibliamanta yachachinapaqqa. Ichaqa estudiota qonapaqqa ñawpaqtan munachinanchisraq. Chayraykun yachananchis imayna munachiyta (Prov. 22:29). Akllakunapaqraqmi kan imaynata munachinapaqqa, chayrayku akllakusun predicasqanchis ladopi imayna ruwaychus aswan allin kaqta.

Imaynatan munachisunman:

Mayqen capitulomantapas yachachiyta munaspaqa chaypaq hina tapuyta ruway. Sapanka capituloq qallariyninpin tapuykuna kashan, chaymanta mayqen kaq tapuytapas tapuy. Kutichisqan qhepaman Bibliapi huk textota leey, chaymantataq t’aqwiychis tapusqaykiman kutichiq parrafota.
Chaymantapas qallariypi kaq paginakunawanmi yanapachikusunman sonqonman chayaqta yachachinapaq, kikin libropin rikuchisunman chay temakunamanta imata Biblia yachachisqanta. Ejemplopaq, ima desgraciapas pasasqanmanta willay, hinaspataq 3 paginapi kaq tapuykunata qhawachispa niy: “Runakunaqa chhayna noticiakunata uyarispan kay hina tapuykunata ruwakunku”, nispa. Huktaq kanman: “Hamuq tiempopi huk sumaq kawsay kananmantan vecinokunawan rimamushayku”, nispa. 4, 5 paginakunapi kaq dibujokunata qhawachispa tapuy: “¿Mayqen kaq promesa hunt’akunantan rikuyta munawaq?”, nispa. Khaynatapas niwaqmi: “Runakunaqa kaykunatan tapukunku, mayqenmantan yachayta munanki”, nispa. 6 paginapi tapuykunata rikuchiy.
Chaymantapas sut’illatañan kay hinata nisunman. “Kanmi huk libro Bibliaq yachachisqanta entiendenapaq, chaymantan vecinoykikunawanpas rimamushani. ¿Reqsinkichu kay librota? [Uyariy kutichisqanta.] Kay libron yanapasunki Bibliaykita estudianaykipaq, ¿huk ratolla rikuchiykimanchu imaynatan yanapasunkiman chayta?”, nispa.

Killantin kayta ruway:

Familiantin Diosta yupaychasqaykichispi ensayaychis.
Predicaqmasiykiman willay imaynatan predicayta qallarinki chayta (Prov. 27:17). Runaq sonqonman mana chayaqtinqa huk hinatañataq ruway.