Predicananchis tiempota ama usuchisunchu
2014 watapin 1.945.487.604 horakunata predicarqanchis. Chay ruwasqanchismi rikuchin tiemponchista mana usuchispa Jehová Dios servisqanchista (Sal. 110:3; 1 Cor. 15:58). Yachanchismi pisi tiempollaña kashasqanta, chaymi kallpachakunanchis predicasqanchis horapi aswan askha runakunaman predicananchispaq (1 Cor. 7:29).
Predicananchis tiempota mana usuchinapaqmi mayninpiqa cambiokunata ruwananchis kanqa. Ejemplopaq, sichus huk horata hinaña predicashaspa mana piwanpas rimanchischu chayqa, yaqapaschá predicananchis horariota cambiananchis kanqa. Qatimuqpi qhawarisun ima cambiokunata ruwasunman chayta, chhaynapin mana ch’usaqmanchu saqmasun (1 Cor. 9:26).
Wasin-wasinta predicaspa. Iñiqmasikunaqa costumbrasqan kashanku tutamantanta wasin-wasinta predicanankupaq. Ichaqa yaqa llapa runapas ch’isiyaqtan llank’anku, chaymi allin kanman tardenkunata otaq tutankunata predicay. Chay horakunapin runakunaqa wasinkupi kashanku otaq samashankuña llank’anankumanta. Tutamantanmi ichaqa allinpuni kanman callekunapi otaq negociokunapi predicay.
Runaq kasqanpi predicaspa. Carretapi otaq mesapi qelqanchiskunataqa askha runakunaq kasqanpi churakunan, territorio ukhupitaq kananpas (qhaway 2013 julio killapi Diosmanta Willasunchis qelqapi 5 paginata). Sichus manaña askha runachu chayninta purin chayqa iñiq t’aqapi Comité de Servicio nisqan cambianman askha runaq purisqan ladoman.
Revisitakunata estudiokunata ruwashaspa. Wakin horakunapi predicashaspan runakunata mana tarinchischu. Chay horakunapi revisitata otaq estudiokunata qoyqa allinmi kanman. Sichus sabadokuna tutamantanta runakunata wasinkupi tarinchis chayqa, allinmi kanman wasin-wasinta predicay, tardenta otaq tuta estudiokunata qosunman. Hinaspapas allinmi kanman askha revisitakunata kaq territoriollapi ruway, chhaynapin tiemponchista mana usuchisunchu.
Predicasqanchis horataqa yupanchispunin, ichaqa aswan askha runakunaman predicaspan astawanqa kusikunchis. Sichus wakin horakunapi runakunata mana tarinchischu chayqa, huk horakunamanmi cambiananchis. Jehová Diospa yanapayninta mañakusun predicananchis tiempota ama usuchinanchispaq (Mat. 9:38).