¿Imaynatan predicananchis carretakunawan?

Carretakunapi otaq mesakunapi qelqanchiskunata churaspa predicayqa yanapashanmi allin sonqoyoq runakunata cheqaq kayta yachanankupaq (Juan 6:44). Chaymi umalliqkunata kallpachakurqan territorionkupi askha runaq kasqanpi carretakunata churanankupaq. Yaqa llapa carretakunapas tanqakachanapaq kasqanraykun mana permisotaraqchu mañakuna autoridadkunamanta. ¿Pikunan chay predicacionpi yanapakunkuman? Allin yuyayniyoq allinta rimaq iñiqmasikunan, sumaqtataqmi p’achakunankupas. Qatimuqpi yachasun imakuna ruwanankuta imakuna mana ruwanankutapas. Chayman hina ruwasun chayqa allintan predicasun carretakunapi qelqanchiskunata churaspa.

¿Imakunatan ruwana?

Chayninta pasaq runakunata sumaq uyawan qhawariy, asirikuspa sumaqta napaykuy. Sichus pipas sayaykuspa carretanchispi qelqakunata qhawan chayqa, nisunmanmi: “Munasqayki qelqatan apakuwaq”, nispa.
Wakin llaqtapiqa allinmi carretaq ladonpi sayay, wakin llaqtapin ichaqa mana allinchu. Territorioyki chhayna kaqtinqa allinmi kanman chhikan karupi sayay, pipas carretaman asuykamullaqtinmi qanpas asuykuspa paywan parlayta qallariwaq, kay hinata tapuspa: “¿Hayk’aqllapas chayta tapukurqankichu?”, nispa.
Kallpachakuy Bibliamanta leepunaykipaq.
Sichus pipas Bibliamanta estudiota qonapaq qelqanchista apakun chayqa, willay imaynata estudiota qosqanchista, qhawachiytaq ¿Imaraykun Bibliata estudianayki? videota.
Sichus astawan yachayta munan chayqa, tapuy sutinta maypi ima horapi visitanata. Sichus mana territorionchispichu tiyan chayqa, Sírvase visitar (S-43) hojata hunt’aspa secretarioman qoy.